ՓԱՇԻՆԵԱՆ՝   ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ՄԷՋ ՊԻՏԻ ՔՆՆԱՐԿՈՒԻ  ՌԱԶՄԱԿԱՆ ԴՐՈՒԹԻՒՆ ԵՒ ՄԱՍՆԱԿԻ  ԶՕՐԱՀԱՒԱՔ ՅԱՅՏԱՐԱՐԵԼՈՒ  ՀԱՐՑԸ

0
20

Հայաստանի հանրապետութեան    վարչապետ  Նիկոլ Փաշինեան յայտարարեց, թէ   անվտանգութեան  խորհուրդի  արտակարգ   նիստ հրաւիրած է, քննարկելու  ռազմական  դրութիւն եւ  մասնակի  զօրահաւաք յայտարարելու հարցը: «Պատրաստ եղէք սուրբ հայրենիքի պաշտպանութեան:  Հպարտ, յաղթո’ղ  ժողովուրդ»: նշեց  վարչապետ Փաշինեան: Ան ընդգծեց, թէ  Արցախի դէմ ազերիական  յարձակումը նախապէս  ծրագրուած էր:« Վերջին շրջանին  Ազրպէյճանի   յարձակողական յայտարարութիւնները,  Թուրքիոյ  հետ համատեղ  եւ  լայնածաւալ  ռազմափորձերը, ինչպէս նաեւ ԵԱՀԿ-ի դիտարկումներուն մերժումը ցոյց կու տան, թէ  յարձակումը նախապէս ծրագրաւորուած էր….» յայտնեց  Փաշինեան:

Արցախի նախագահի մամլոյ քարտուղար  Վահրամ Պօղոսեան  յայտնեց, թէ  ազերիական  յարձակումին   հետեւանքով  արձանագրուած  են  տասնեակաւոր վիրաւորներ: Ըստ  Պօղոսեանի,  թշնամին հարուածած է  հրետանիներու միջոցով  եւ  բնակելի վայրերու  վրայ: Ներկայ դրութեամբ արձանագրուած է   երկու զոհ՝ մէկ կին  եւ մէկ երեխայ: Վիրաւորները ստացած են տարբեր աստիճանի վնասուածք:

LEAVE A REPLY

Please enter your comment!
Please enter your name here