ՄԱԿ ԱՅՍՕՐ  ԴՌՆՓԱԿ  ՆԻՍՏԻ  ՄԸ ԸՆԹԱՑՔԻՆ ՊԻՏԻ  ՔՆՆԱՐԿԷ  ԼԵՌՆԱՅԻՆ  ՂԱՐԱԲԱՂԻ ԶԱՐԳԱՑՈՒՄՆԵՐԸ

0
28

Բախումները  տարբեր  մակարդակով կը  շարունակուին Լեռնային Ղարաբաղի սահմանագիծերուն վրայ:  Թշնամին  կը փորձէ  հրետանիով  ռմբակոծել  հայկական դիրքերը: Արցախի  պաշտպանութեան  ուժերը ծանր  հարուածներ կու տան թշնամիին յարձակումներուն: Անոնք   չէզոքացուցած  են  ռազմական  կեդրոն մը:

Հայաստանի  հանրապետութեան  պաշտպանութեան նախարարութեան  մամլոյ  խօսնակ Շուշան Ստեփանեան  յայտարարեց, թէ  հայկական  ուժերը  յետ  մղած են  թշնամիին հերթական յարձակումը, պատճառելով   ֆիզիքական եւ արհեստագիտական   զգալի  կորուստներ:

Այսօր՝  երեքշաբթի երեկոյեան, ՄԱԿ-ի անվտանգութեան խորհուրդը դռնփակ նիստի  մը  ընթացքին  պիտի  քննարկէ   Լեռնային Ղարաբաղի զարգացումները:

Այս ծիրին  մէջ, ՄԱԿ-ը  ընդհանուր  քարտուղար  Անթոնիօ Կիւթերեշ   հեռախօսազրոյցներ ունեցաւ  վարչապետ Նիկոլ Փաշինեանի եւ Իլհամ Ալիեւի հետ:

Արցախի  պաշտպանութեան  նախարարութիւնը  հրապարակեց  Ազրպէյճանի օդային  կորուստներուն նկարները:  Հայկական  կողմը  խոցած է   4 ուղղաթիռ, 1  ինքնաթիռ  եւ 49 անմարդ օդաչուով սարք:

Արեւմտեան  մամուլը  հաստատեց՝   Թուրքիա վարձկաններ կը ղրկէ Ազրպէյճան:

LEAVE A REPLY

Please enter your comment!
Please enter your name here