ՓԱՇԻՆԵԱՆ՝  ԱԶՐՊԷՅՃԱՆ  ԹՈՒՐՔԻՈՅ ԱՋԱԿՑՈՒԹԵԱՄԲ  Կ’ԸՆԴԼԱՅՆԷ   ՌԱԶՄԱԿԱՆ  ԳՈՐԾՈՂՈՒԹԻՒՆՆԵՐՈՒՆ ԱՇԽԱՐՀԱԳՐՈՒԹԻՒՆԸ-

0
29

ՌՈՒՍԻՈՅ  ՄԷՋ  ՀԱՅԱՍՏԱՆԻ ԴԵՍՊԱՆ՝   ՀԱՊԿ-ԻՆ  ՉԵՆՔ ԴԻՄԱԾ,  ԲԱՅՑ  ԻՐԱՎԻՃԱԿԸ  ԿՐՆԱՅ ՓՈԽՈՒԻԼ

« Հայաստանը եւ Արցախը   ռազմաքաղաքական  համարժէք պատասխան պիտի տան տարածաշրջանային խաղաղութիւնը եւ կայունութիւնը խաթարելու Ազրպէյճանի փորձերուն». յայտարարեց  Հայաստանի վարչապետ Նիկոլ Փաշինեան:

Վարչապետը յայտնեց, թէ  Ազրպէյճանը Թուրքիոյ աշխոյժ  քաղաքական եւ  ռազմական  աջակցութեամբ  կ’ընդլայնէ  ռազմական  գործողութիւններուն  աշխարհագրութիւնը:

Ռուսիոյ մէջ  Հայաստանի դեսպան  Վարդան  Տողանեան, յայտարարեց, թէ  Հայաստան տակաւին չէ դիմած  ՀԱՊԿ-ին Ազրպէյճանի սանձազերծած   յարձակումներուն   համար, բայց  իրավիճակը  կրնայ  փոխուիլ, յատկապէս  Թուրքիոյ  ռազմաօդային ուժերը   Հայաստանի  օդային  սահմաններուն  մէջ    SU -25 ը խոցելէ  ետք:

Տողանեան  հանդիպում մը ունեցաւ Ռուսիոյ  Հայերու  միութեան նախագահ Արա Աբրահամեանի հետ: Ապա անոնք  միասնաբար հանդիպումներ  ունեցան  Ռուսիոյ  արտաքին գործոց  եւ ներքին գործոց  փոխնախարարներուն հետ:

Միւս կողմէ,   Հայաստանի պաշտպանութեան նախարարութեան խօսնակ Շուշան Ստեփանեան յայտարարեց, թէ  Հայաստան որեւէ երկրէ, որեւէ  ուղղութեամբ  մատակարարումներու անհրաժեշտութիւն չունի:

Հայաստանի   հանրապետութեան նախարարութիւնը   հրապարակեց  թշնամիի ամբողջ ստորաբաժանում մը  ոչնչացնելու    տեսանիւթը:

Հայաստանի Ազգային ժողովի  նախագահ Արարատ Միրզոյեան  յայտարարեց, թէ պատերազմը  պիտի աւարտի Ազրպէյճանի  բանակի կամ առնուազն անոր   ողջ   հարուածային  ուժերու    լիակատար  ոչնչացմամբ:

 

 

LEAVE A REPLY

Please enter your comment!
Please enter your name here