Նորանոր Դժուարութիւններու Լոյսին Տակ. Քորոնա Ժահրի 1105 Պարագայ Եւ Հինգ Մահ

0
46

Ընդհանուր առողջապահութեան նախարարութիւնը երէկ յայտարարեց, թէ Լիբանանի մէջ «Քորոնա» ժահրի 1105 նոր պարագայ եւ 5 մահ արձանագրուած է՝ այսպիսով Լիբանանի մէջ վարակուածներուն ընդհանուր թիւը բարձրացնելով 38.363-ի:

Միւս կողմէ, սակայն, նորանոր դժուարութիւններ կու գան առաւել  բարդացնելու  պարագաներու դարմանումի միջոցները: Փաստօրէն, երկրին մէջ համապատասխան անկողիններու 80 առ հարիւր համեմատութիւնը արդէն իսկ զբաղած  եւ սպառած է: Յաւելեալ անկողիններու չգոյութիւնը կրնայ լուրջ դժուարութիւններու մատնել պատկան մարմինները:

Նմանապէս երբեմն վարակի ստուգման «Փի.Սի.Ար.»-ի քննութեանց սխալ արդիւնքները նոյնքան մտահոգիչ երեւոյթ կը պարզեն: Այս գծով հետաքննութիւն բացուած է՝ ստուգելու սխալ արդիւնքներու պատճառները:

LEAVE A REPLY

Please enter your comment!
Please enter your name here