ՓԵՍՔՈՎ՝ ՄՈՍԿՈՒԱ ՀԱՒԱՆՈՒԹԻՒՆ  ՉԻ ՏԱՐ ԱԶՐՊԷՅՃԱՆԻՆ  ՕԳՆԵԼՈՒ ԹՈՒՐՔԻՈՅ ՅԱՅՏԱՐԱՐՈՒԹԵԱՆ

0
59

«ԹԱՍՍ»  լրատուական գործակալութիւնը,  հաղորդեց, թէ  լրագրողներու հետ  զրոյցի ընթացքին,  Ռուսիոյ  նախագահի  մամլոյ խօսնակ Տմիթրի Փեսքով յայտնած է, թէ  ռուս զինուորները  ուշադիր կը հետեւին  Լեռնային  Ղարաբաղի  իրադարձութիւններուն:

« Մեր  զինուորները  շատ ուշադիր կը հետեւին  շփման  գիծին   զարգացումներուն: Տեղեկատուութիւնը մանրամասնօրէն կը  վերլուծուի: Մենք նաեւ հանգամանօրէն կ’արձանագրենք  աշխարհի ամենատարբեր  երկիրներու միջազգային  ղեկավարներու բոլոր յայտարարութիւնները». ըսած է  Փեսքով, պատասխանելով  Լեռնային  Ղարաբաղի  հարցով Թուրքիոյ մասնակցութեան վերաբերեալ  հարցումին:

Փեսքով աւելցուցած է, թէ Մոսկուա  հաւանութիւն  չի տար, Լեռնային Ղարաբաղի հետ կապուած  Ազրպէյճանին  քաղաքականապէս  օժանդակելու Թուրքիոյ յայտարարութեան: «Անշուշտ  մենք  չենք աջակցիր    նման յայտարարութիւններու, մենք  համաձայն  չենք անոնց(Թուրքիոյ)  հետ». նշած է Փեսքով, յիշեցնելով որ   չարժեր  իւղ   լեցնել կրակին վրայ:

«Մենք, նախկինին նման,  տարածաշրջանի  բոլոր երկիրներուն  զսպուածութեան կոչ կ’ընենք եւ  յատկապէս,  հակամարտութեան մասնակից երկիրներուն կոչ կ’ընենք անյապաղ  դադրեցնել կրակը». եզրակացուցած է  Փեսքով:

LEAVE A REPLY

Please enter your comment!
Please enter your name here