ԱՌԱՒՕՏԵԱՆ  ԹԱՐՄ ԼՈՒՐԵՐ ՃԱԿԱՏԷՆ

0
81

30 սեպտեմբերէն 1 հոկտեմբերի լոյս առաւօտ  գիշերուան  ընթացքին արցախա-ազրպէյճանական  հակամարտութեան  գօտիին մէջ  տիրած է  յարաբերական կայուն  լարուածութիւն:  Կարգ մը  ճակատներու վրայ   շարունակուած է  հրետանային  եւ հրաձգային  տարբեր  տեսակներով  փոխհրաձգութիւնը:

Արցախի  հանրապետութեան պաշտպանութեան  նախարարութեան  մամլոյ  ծառայութիւնը  հաղորդեց, թէ թշնամին փորձած է որոշակի  վերախմբաւորումներ, զօրաշարժեր, որոնք  կանխուած  են  Արցախի պաշտպանութեան  բանակի ստորաբաժանումներէն:

Ռազմական  դիրքերու իմաստով իրադրութիւնը կը մնայ անփոփոխ: Այս  պահուն(առաւօտեան)   կայուն լարուածութիւն կը տիրէ  բոլոր ճակատներուն վրայ:

Ռուսիոյ  նախագահ Վլատիմիր Փութինի եւ Ֆրանսայի  նախագահ Էմմանուէլ Մաքրոնի միջեւ  հեռախօսազրոյցի  մը ընթացքին ընդծուած է, որ  Լեռնային Ղարաբաղի  հակամարտութիւնը  չունի այլ լուծում, քան՝ խաղաղ կարգաւորումը:

Նախագահները  խոստացած են  շարունակել  խորհրդակցութիւնները:

LEAVE A REPLY

Please enter your comment!
Please enter your name here