ԱՐՑԱԽԻ ՊԱՇՏՊԱՆՈՒԹԵԱՆ ՈՒԺԵՐԸ  ՈՒՂՂԱԹԻՌ ՄԸ ՎԱՐ Կ’ԱՌՆԵՆ

0
35

Արցախի  պաշտպանութեան  բանակը   տեղեկացուց, թէ  հինգշաբթի, 1 հոկտեմբերին արցախա-ազերիական  հակամարտութեան գօտիի  հարաւային  հատուածին մէջ՝ Վարազաթումբ (Լելէ  Թեփէ) տարածքին մէջ,   վար առած է   թշնամիի  ուղղաթիռ մը, որ    ինկած է Իրանի  իսլամական հանրապետութեան տարածութեան  մէջ:

Նշենք, թէ  մարտական գործողութիւններ  նաեւ  տեղի կ’ունենան  Իրանի իսլամական հանրապետութեան սահմանին  շատ մօտ  շրջաններու  մէջ:

Հայաստանի  պաշտպանութեան նախարարութեան ներկայացուցիչ Արծրուն Յովհաննիսեան  յայտարարեց, թէ 1 հոկտեմբերի  բախումներուն  լոյսին տակ,   թշնամիին  մարդկային  կորուստները  360-ի կը հասնին:  Վերջին 24 ժամերուն  ջախջախուած է  թշնամիի  3  ուղղաթիռ, 15  տարբեր  տեսակի զրահապատ, 1 Smerch, 6 անօդաչու  թռիչքային սարք:

Յովհաննիսեան  աւելցուց, թէ թշնամին դարձեալ սկսած է ռմբակոծել բնակելի վայրեր: Այս  պահուն անոնք հրետանիով կը  ռմբակոծեն Հատրութի շրջանը: Ռմբակոծումներէն մարմնական վնասուածք ստացած է «Արմենիա»  հեռատեսիլի ընկերութեան նկարահանող Արամ Գրիգորեանը: Իսկ Արցախի  Մարտունի քաղաքին  մէջ ազերիական  ռմբակոծութիւններուն հետեւանքով վիրաւորուած են ֆրանսական  «Le Monde» պարբերականի երկու  լրագրողներ:

LEAVE A REPLY

Please enter your comment!
Please enter your name here