Իրան Թոյլ Պիտի Չտայ, Որ Ահաբեկիչները Տեղակայուին Հիւսիսային Սահմանին Յարակից Տարածքներուն Մէջ

0
148

ԵՐԵՒԱՆ, «Արմէնփրէս».- Իրանի արտաքին գործոց նախարարութեան խօսնակ Սայիտ Խաթիպզատէ յայտարարեց, որ Իրան պիտի չարտօնէ, որ ահաբեկչական խմբաւորումները երկրի հիւսիսային սահմաններուն յարակից շրջանները սպառնալիքի վերածեն, կը տեղեկացնէ «Khabaronline» կայքը։

Խաթիպզատէ ըսաւ, որ բախումներու Կովկաս տեղափոխումը շատ աւելի մեծ աղէտի պիտի յանգեցնէ տարածաշրջանը, քան ղարաբաղեան հակամարտութիւնը:

Ըստ միջազգային լրատուամիջոցներու մէջ տարածուած տեղեկութիւններուն՝ Թուրքիան Սուրիոյ հիւսիսային հատուածէն Ատրպէյճան տեղափոխած է զինեալ վարձկաններ՝ Արցախի եւ Հայաստանի դէմ օգտագործելու նպատակով: Կը խօսուի 3000էն 4000 վարձկաններու մասին, որոնք ըստ այդ նոյն աղբիւրներուն, Արցախի եւ Հայաստանի դէմ այս օրերուն ընթացող պատերազմին մասնակցելու համար կը ստանան ամսական 1500էն 2000 տոլար:

LEAVE A REPLY

Please enter your comment!
Please enter your name here