ԱՐԱՅԻԿ ՅԱՐՈՒԹԻՒՆԵԱՆ՝  ԿԸ ՄԵԿՆԻՄ ՃԱԿԱՏ՝ ԻՄ  ԲԱԺԻՆ ՄԱՐՏԸ  ՄՂԵԼՈՒ

0
35

ԱՐԾՐՈՒՆ  ՅՈՎՀԱՆՆԻՍԵԱՆ՝  ՄԵՐ ՏՂԱՔԸ  ՀԵՐՈՍԱԿԱՆ ԴԻՄԱԴՐՈՒԹԻՒՆ ԿԸ ՑՈՒՑԱԲԵՐԵՆ

Հայաստանի հանրապետութեան պաշտպանութեան  նախարարութեան մամլոյ   խօսնակ  Շուշան  Ստեփանեան յայտարարեց, թէ թշնամին  նոր ուժեր կեդրոնացնելով  յարձակումի անցած է Արցախի հիւսիսային եւ հարաւային սահմաններու ուղղութեամբ:  Ծանր   բախումներ տեղի կ’ունենան  հայկական ուժերու եւ ազերի  հորդաներուն միջեւ:

Ստեփանեան աւելցուց, թէ  հայկական կողմը  չէզոքացուցած է   ընդհանուր՝ 14  ինքնաթիռ:

Պաշտպանութեան նախարարութեան ներկայացուցիչ Արծրուն Յովհաննիսեան նշեց, թէ  ծանր բախումներ  տեղի  ունեցած են Ուրբաթ գիշեր.« Թշնամին  նոր ուժեր կեդրոնացոցած է մարտի մէջ:  Մեր տղաքը  հերոսական դիմադրութիւն կը ցուցաբերեն».  ըսաւ  Յովհաննիսեան:  Բախումները  կը արունակուին տակաւին:

Արցախի նախագահ Արայիկ Յարութիւնեան դիմատետրի  էջին վրայ գրած է, թէ կը մեկնի  ճակատի առաջին գիծը՝ իր պարտականութիւնը կատարելու:  Խօսքը  մարտիկներուն   ուղղելով,  Արայիկ Յարութիւնեան գրած է. « Սա մեր վերջին  մարտն է, որ պէտք է անպայման  միասին  մղենք եւ  միասին  պիտի յաղթենք:  Ձեզ  հետ եմ մինչեւ ՅԱՂԹԱՆԱԿ: Ի զէն:  Պատիւ Ունինք». եզրափակած է  Արցախի նախագահը:

Արցախի նախագահի մամլոյ խօսնակ Վահրամ Պօղոսեան   յայտարարեց, թէ հետախուզական տուեալներով  Ազրպէյճանի   մարդկային կորուստներուն քանակը անցած է  3000-ը: « Դիակներու մեծ  մասը կը  գտնուի  չէզոք գօտիներուն  մէջ եւ այդ շրջաններէն  հեռացնելու ոչ մէկ քայլի  կը  ձեռնարկէ Պաքուն». աւելցուց Պօղոսեան:

Ստեփանակերտի վրայ  ազերիական  ռմբակոծումներուն հետեւանքով  մէկ  քաղաքացի  նահատակուած է:  Կան  վիրաւորներ:  Վնասուած է  երկու շէնք:

LEAVE A REPLY

Please enter your comment!
Please enter your name here