ՆԻԿՈԼ ՓԱՇԻՆԵԱՆ՝  ՀԱՅԱՍՏԱՆԻ, ԱՐՑԱԽԻ  ՔԱՂԱՔԱՑԻՆԵՐԸ  ՏԷՐ ԶՕՐԻ  ՃԱՄԲՈՐԴ ՉԵՆ

0
36

ՀԱՅԱՍՏԱՆԻ ՊԱՇՏՊԱՆՈՒԹԵԱՆ ԲԱՆԱԿԸ  ՈՉՆՉԱՑՈՒՑԱԾ Է  ԹՇՆԱՄԻԻ  ՄԵԾ ՔԱՆԱԿՈՒԹԵԱՄԲ ԶՐԱՀԱՊԱՏ ԵՒ  ԲԱՆԱԿԱՅԻՆ

Հայաստանի  պաշտպանութեան բանակը ոչնչացուցած է  թշնամիի մեծ քանակութեամբ զրահապատ, զինամթերք եւ  զինուոր:  Սոյն  յայտարարութիւնը կատարեց Հայաստանի պաշտպանութեան նախարարութեան  մամլոյ խօսնակ  Շուշան Ստեփանեանը: «Այսպիսով ուղղութիւններէն  մէկուն  մէջ  ձախողութեան մատնուեցան  թշնամիի յարձակողական ծրագիրները»,ընգծեց  Ստեփանեան:

Միւս  կողմէ, Հայաստանի Ազգային Անվտանգութեան  ծառայութիւնը  հրապարակեց  տեսանիւթ մը, ուր փաստեր կը  ներկայացուին Ազրպէյճանի սանձազերծած պատերազմական  գործուղութիւններուն  մէջ Թուրքիոյ  մասնակցութեան, վարձկան-ահաբեկիչներու  ներկայութեան:

Հայաստանի  հանրապետութեան  վարչապետ  Նիկոլ  Փաշինեան հայ  ժողովուրդին  յղեց  ուղերձ մը, ուր  յայտնեց, թէ թուրք-ազերիական  յարձակումը  միայն  ռազմա-քաղաքական հարց լուծելու նպատակ չի հետապնդեր, ո’չ ալ  Ղարաբաղի հարցը լուծելու: Անոնք  չեն եկած   տարածութիւններ,  գիւղեր, քաղաքներ գրաւելու: Անոնց նպատակը հայութիւնն է, անոնց նպատակը  Հայոց ցեղասպանութեան   իրենց  քաղաքականութեան  շարունակութիւնն է:  Վարչապետ  Փաշինեան յայտարարեց, թէ  Հայաստանի  հանրապետութեան, Արցախի  հանրապետութեան  քաղաքացին Տէր Զօրի  ճամբորդ  չէ:

Փաշինեան ըսաւ, որ  թրքական  բանակի   150  բարձրաստիճան  զինուորականներ կը գտնուին Ազրպէյճանի  զինեալ ուժերուն  հրամանատարական կէտերուն վրայ:

LEAVE A REPLY

Please enter your comment!
Please enter your name here