ԱՐԾՐՈՒՆ ՅՈՎՀԱՆՆԻՍԵԱՆ՝ ՊԱՇՏՊԱՆՈՒԹԵԱՆ  ԲԱՆԱԿԸ ԿԸ ՀԱՐՈՒԱԾԷ ԹՇՆԱՄԻԻ  ԲԱՑԱՌԱՊԷՍ  ՌԱԶՄԱԿԱՆ ԴԻՐՔԵՐ

0
59

Արցախի  հանրապետութեան պաշտպանութեան բանակը  կը հարուածէ  թշնամիի  բացառապէս  ռազմական  դիրքերը: Սոյն յայտարարութիւնը կատարեց Հայաստանի հանրապետութեան պաշտպանութեան նախարարութեան  ներկայացուցիչ Արծրուն  Յովհաննիսեանը:

«Այո,  պաշտպանութեան  բանակը կը  հարուածէ  Ազրպէյճանի մեծ քաղաքներուն մէջ  տեղակայուած  բացառապէս  ռազմական թիրախները». նշեց Յովհաննիսեան:

Թշնամին  Կիրակի  առաւօտեան ժամերէն կը  ռմբակոծէ  Արցախի  մայրաքաղաք  Ստեփանակերտը, փորձելով  խուճապի  մատնել  անոր բնակչութիւնը: Ազրպէյճան կ’օգտագործէ   միջազգային մարդասիրական իրաւունքով արգիլուած զինատեսակներ:

Հայաստանի արտաքին  գործոց նախարարութիւնը հրապարակեց յայտարարութիւն մը, ուր դիտել  կու տայ, թէ Ազրպէյճան հեռահար հրթիռներով  եւ օդուժի  օգնութեամբ  կը հարուածէ Ստեփանակերտ  եւ Մարտակերտ քաղաքները: «Ազրպէյճանի կողմէ  միտումնաւոր այս  յարձակումները միջազգային իրաւունքի կոպիտ խախտում է». կը նշէ  յայտարարութիւնը:

Պաշտօնական Երեւան յայտարարեց, թէ Հայաստան  ոչ մէկ  հրթիռ արձակած է   Ազրպէյճանի  ուղղութեամբ:

LEAVE A REPLY

Please enter your comment!
Please enter your name here