ՓԱՇԻՆԵԱՆ՝  Մ. ՆԱՀԱՆԳԵՐ ՊԷՏՔ Է  ԲԱՑԱՏՐԷ՝ ԱՐԴԵՕ՞Ք  F-16-ԵՐԸ   ԽԱՂԱՂ  ԲՆԱԿԻՉՆԵՐԸ  ՌՄԲԱԿՈԾԵԼՈՒ ՀԱՄԱՐ ՏՐՈՒԱԾ  ԵՆ  ԹՈՒՐՔԻՈՅ

0
21

«The  New York  Times» ին  տուած  հարցազրոյցին, Հայաստանի հանրապետութեան վարչապետ Նիկոլ  Փաշինեան  կը հարցնէ .« Միացեալ Նահանգները պէտք է բացատրէ, թէ արդեօ՞ք այդ  F-16-երը  տրուած են խաղաղ  գիւղերը  ու խաղաղ  բնակիչները  ռմբակոծելու համար»:

Ան  կ’աւելցնէ, թէ սոյն մտահոգութիւնը փոխանցած է Մ.Նահանգներու Ազգային անվտանգութեան խորհրդական Ռոպերթ Օպրայընին: «Նախագահ  Թրամփի Ազգային անվտանգութեան խորհրդականի հետ հինգշաբթի կայացած  հեռախօսազրոյցի   ժամանակ  հարցուցի՝  ինչու՞  ոչինչ  չի ձեռնարկուիր, որպէսզի Մ. Նահանգներու երկարամեայ դաշնակից Թուրքիոյ  թոյլ չտրուի ամերիկեան արտադրութեան F-16-եր  օգտագործել  հայերու  դէմ»:

Փաշինեան  հարցազրոյցի ընթացքին դիտել  կու տայ, որ հակամարտութիւնը  շատ աւելի  վտանգաւոր  հարթութիւն փոխադրուած է Ազրպէյճանի  օգտին Թուրքիոյ անմիջական  ռազմական  միջամտութեան պատճառով:

Հարցազրոյցի ընթացքին  Փաշինեան կը մերժէ պատասխանել՝ խաղաղ կարգաւորման  պարագային որեւէ տարածութիւն յանձնելու պատրաստակամութեան,  պնդելով, որ  հարցումին պէտք է  պատասխանէ  Լեռնային Ղարաբաղի  ղեկավարութիւնը:

LEAVE A REPLY

Please enter your comment!
Please enter your name here