ԱՐՑԱԽԻ  ՊԱՇՏՊԱՆՈՒԹԵԱՆ ԲԱՆԱԿԸ ԵՒ ԿԱՄԱՒՈՐԱԿԱՆ ՇԱՐԺՈՒՄ  ՋՈԿԱՏԸ Կ’ԱԶԱՏԱԳՐԵՆ ՎԱՐԱՆԹԳԱԹԱՂ  ԲԱՐՁՈՒՆՔԸ

0
30

ԱԶԵՐԻ  ԶՕՐԱՄԻԱՒՈՐՆԵՐ ԿԸ ԿՐԱԿԵՆ ԻՐԱՐՈՒ ՎՐԱՅ

Արցախի  հանրապետութեան  պաշտպանութեան  բանակի  յատուկ  նշանակութեան միաւոր  եւ «Կամաւորական շարժում»  ջոկատը հիւսիսային սահմանագիծին վրայ  ազատագրեցին Վարանթագաղ(Լուլասազ)  կոչուող  բարձունքը:

Հայաստանի  պաշտպանութեան նախարարութիւնը  հաղորդեց, թէ Արցախի պաշտպանութեան բանակը  Ճեպրայիլի  հարաւարեւեւլեան  շրջանին  մէջ ազերի թշնամիին պատկան  վառելանիւթի  նոր շտեմարան մը ոչնչացուցած է  այսօր առաւօտեան:

Միւս կողմէ, Արցախի նախագահի մամլոյ   խօսնակ Վահրամ Պօղոսեան յայտնեց, թէ ազերի բանակին միաւորները գրեթէ  կազմալուծուած  ըլլալով,  խուճապ ստեղծուած է թշնամիին  զօրամիաւորներուն մէջ  եւ  յաճախ  կը կրակեն իրարու վրայ:

« Մեր ուժերուն  ոգեւորութեան ալիքը  հետզհետէ  «անկառավարելի»  կը դառնայ:  Պաշտպանութեան  բանակը  կը շարունակէ  փայլուն կերպով  կատարել  իր  մարտական պարտականութիւնները: Թշնամիին  գրեթէ կազմալուծուած  զօրամիաւորները խուճապէն  կորսնցուցած  են իրավիճակին կառավարումը եւ  կը կրակեն իրարու վրայ». նշած է  Վահրամ Պօղոսեան, դիմատետրի  իր էջին վրայ:

Թշնամին  կը  շարունակէ  ռմբակոծել Ստեփանակերտը:

LEAVE A REPLY

Please enter your comment!
Please enter your name here