Հզօր Լիբանան Համախմբումը Դատապարտեց Արցախի Պատերազմը

0
136

Հզօր Լիբանանի համախմբումը երէկ իր շաբաթական հերթական նիստի աւարտին հաղորդագրութիւն մը հրապարակելով դատապարտեց Արցախի դէմ շղթայազերծուած պատերազմը` կոչ ուղղելով անյապաղ դադրեցնելու զայն:

Երեք կէտերէ բաղկացած հաղորդագրութեան մէջ համախմբումը անդրադարձաւ Լիբանանի իրավիճակին` նշելով կացութեան վտանգաւոր ըլլալը եւ պահանջելով դիւրացնել կառավարութեան կազմութիւնը: Հաղորդագրութիւնը նաեւ իր նախանձախնդրութիւնը յայտնեց փտածութեան վերացման եւ բարեկարգումի քայլերու ամբողջացման գծով:

Ժողովականները նաեւ ցաւ յայտնեցին Արցախի մէջ վերսկսած բախումներուն համար` կոչ ուղղելով խաղաղ միջոցներով լուծելու հարցը: Անոնք նաեւ մտավախութիւն յայտնեցին վարձկան ահաբեկիչներ  Ազրպէյճան փոխադրելու երեւոյթէն:

Հաղորդագրութիւնը իր զօրակցութիւնը յայտնեց Արցախի հայ բնակչութեան` կոչ ուղղելով յարգելու անոր խաղաղ ու ապահով ապրելու վճռակամութիւնը իր դարաւոր հողին վրայ, «յատկապէս որ այս ժողովուրդը պատմութեան ընթացքին շատ սուղ գին վճարած է ծաւալապաշտ ու այլամերժ ախորժակներու մղումներուն»:

LEAVE A REPLY

Please enter your comment!
Please enter your name here