Ադրբեջանը դարձյալ թիրախավորել է Ստեփանակերտն ու Շուշիի Ղազանչեցոց եկեղեցին

0
116

ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի Զինված ուժերը դարձյալ թիրախավորում են Արցախի մայրաքաղաք Ստեփանակերտն ու Շուշիի Ս. Ամենափրկիչ Ղազանչեցոց եկեղեցին: «Արմենպրես»-ի հետ զրույցում Արցախի Հանրային ռադիոյի տնօրեն Անի Մինասյանը նշեց, որ մայրաքաղաքում օդային տագնապի ազդանշանն այսօր առավոտից չի լռել:

«Այսօր առավոտից իրար հետևից հարվածներ են հասցնում: Տագնապի ազդանշանի ձայնը չի լռում: Քիչ առաջ նորից հարվածեցին»,- ասաց Մինասյանը:

Արցախի նախագահի Արտաքին հարցերով խորհրդական Դավիթ Բաբայանը նշեց, որ առավոտյան հարվածներից հետո, հիմա դարձյալ թիրախավորել են նաև Շուշիի Ղազանչեցոց եկեղեցին:

«Նորից թիրախավորել են Ղազանչեցոցը: Սա ուղղակի նրանց ոճի մեջ է մտնում, որովհետև սա ցեղասպան քաղաքականություն է և մշակութային ցեղասպանություն է, որովհետև թիրախավորել եկեղեցին, ոչ այլ ինչ է, քան հայոց արժեհամակարգը թիրախավորել»,- նշեց Բաբայանը:

 

LEAVE A REPLY

Please enter your comment!
Please enter your name here