ՀԱՏՐՈՒԹԸ  ՀԱՅԿԱԿԱՆ  ՈՒԺԵՐՈՒ  ՀՍԿՈՂՈՒԹԵԱՆ  ՏԱԿ Է

0
36

Ռուսական  WarGonzo նախագիծի  լրագրողը  հրապարակեց  Արցախի   նախագահ Արայիկ Յարութիւնեանի  լուսանկարը, յայտնելով,թէ  նախագահին  հանդիպած է  Հատրութի  մէջ:

«Ան   հաստատեց, թէ  Հատրութը  կը գտնուի Արցախի  պաշտպանութեան  ուժերուն վերահսկողութեան   տակ». ըսուած է    լրագրողին  հաղորդումին մէջ:

WarGonzo-ի լրագրողին պատրաստած   տեսանիւթին մէջ նախագահ  Արայիկ Սարգսեան  խորհուրդներ  կու տայ   զինուորներուն: Ան կը հարցէ, թէ  ինչո՞ւ  զրահաբաճկոն ու  սաղաւարտ չեն կրեր:  «Սովորութիւն  չունիմ». կը պատասխանէ   զինուորներէն  մէկը:

«Յաղթանակի հասցէատէրը   ժողովուրդն է, բայց  կերտողը  դուք  էք: Ես ուղղակի   կը խոնարհիմ  Ձեր  բոլորին առջեւ,  Ձեր  ցաւը տանիմ». կ’ըսէ Արայիկ Յարութիւնեան:

LEAVE A REPLY

Please enter your comment!
Please enter your name here