ՄՆԱՑԱԿԱՆԵԱՆ՝  ԱՆՀՐԱԺԵՇՏ Է  ԴԱԴՐԵՑՆԵԼ ԿՐԱԿԸ, ՅԵՏՈՅ ԽՕՍԻԼ ԽԱՂԱՂ  ԳՈՐԾԸՆԹԱՑԻ  ՄԱՍԻՆ

0
49

Մոսկուայի մէջ  Ռուսիա, Հայաստան, Ազրպէյճան արտաքին գործոց նախարարներու տասը  ժամ երկարող  դռնփակ  հանդիպումէն  ետք,  լրագրողներու հետ  ունեցած զրոյցի  մը  ընթացքին,  Հայաստանի արտաքին գործոց նախարար Զօհրապ Մնացականեան, Հայաստանի  Հանրային հեռատեսիլի կայանի  «Լուրեր»ուն  տուած մեկնաբանութիւններուն, նշեց, թէ  հանդիպումը բաւական բարդ  եղած է:

« Մեզի  համար, անշուշտ, առաջնային խնդիր էր, հասնիլ իրավիճակի  մը, ուր վերջ  դրուեր ներխուժումին: Ներխուժումը բաւական առանձնայատուկ էր, որովհետեւ Ազրպէյճանի գործողութիւնները  համալրուած էին Թուրքիոյ կողմէ   բաւական բաց եւ հզօր աջակցութեամբ եւ  միջազգային ահաբեկչական  խմբաւորումներու   մասնակցութեամբ: Փաստօրէն,մեր հայրենակիցները  Լեռնային Ղարաբաղի մէջ  կը կռուէին  բաւական իւրայատուկ  պայմաններու մէջ,  երբ,  բացի Ազրպէյճանէն կար  հզօր  յարձակում՝  նման  ուժերու ներգրաւմամբ».  ըսաւ Մնացականեան:

Հայաստանի արտաքին  գործոց նախարարը նշեց,թէ  տարածաշրջանին մէջ կը մնայ  բաւական փխրուն, անհրաժեշտ է  հասնիլ  զինադադարի համաձայնութեան:

«Տարածաշրջանի եւ առաջին  հերթին Լեռնային Ղարաբաղի  համար սա  դարձած է  բաւական  լուրջ  մարտահրաւէր  եւ որեւէ յառաջընթացի մասին խօսիլ առանց  աւարտ դնելու, վերջնակէտ  դնելու այս իրավիճակին, անշուշտ, անհնար  պիտի  ըլլար:  Այն, ինչ  բաւական երկար բանակցութիւններու  ընթացքին մենք կրցինք   ամրագրել,արձանագրել, այն է, որ մեզի անհրաժեշտ է  դադրեցնել  կրակը,  դադրեցնել այս վայրագութիւնը, այս պատերազմը, ամրապնդել այս  դադարը  եւ  յետոյ  նոր խօսիլ  խաղաղ  գործընթացի  մասին  եւ նաեւ վերահաստատել, որ  Մինսքի խումբի   համանախագահութիւնը կը մնայ  այն միակ ձեւաչափը, որ միջազգայնօրէն  ճանչցուած  հարթակն է  բանակցութիւններու եւ խաղաղ  գորընթացի  համար». նշեց նախարարը:

Մնացականեան աւելցուց, թէ որեւէ  այլ ուժ, մասնաւորապէս՝ Թուրքիան,  չի կրնար այդ առումով  որեւէ  դերակատարութիւն  ունենալ:

«Առաջին խնդիրը այս ճգնաժամը աւարտին  հասցնելն է». եզրափակեց Մնացականեան:

 

LEAVE A REPLY

Please enter your comment!
Please enter your name here