ՊԱՅՔԱՐ` Յանուն Մարդկութեան Եւ Արդարութեան

0
204
ԿՈՉ – 2
  ՆՈՒԱՐԴ ՏԱՐԱԳՃԵԱՆ-ՄԱՏՈՅԵԱՆ             
         Այդ օրերուն  մեծ մարդասէրները` Մէյէ, Լէփսիուս, ժան Ժորէս,
     Անադոլ Ֆրանս , Նանսէն, Վերֆել , եւ յայտնի ականաւոր դէմքեր
    դատապարտեցին եւրոպական իրենց կառավարութիւնները,
    ազդարարելով   անոնց երկպառակութիւններն ու  շահադիտական
    հաշիւները։
   Անոնք յանդգնութիւնը ունեցան  մեղադրանքներ ու կոչեր յղելու մեծ
  տէրութիւններուն դէմ։
    Սակայն մարդասէրներու բողոքի ու ընդվզումի խօսքերը չօգնեցին
   կասեցնելու  հայ ժողովուրդին հանդէպ գործադրուած
    ջարդն ու կոտորածը։
    Որովհետեւ`մեծ հոգիները չունէին զէնք ու զրահ, այլ ունէին մարդկային
   խոր  իմաստութիւն, ազնիւ հոգի, անկոտրում  եւ ուժեղ հաւատք,
   պայքարելու յանուն մարդկային
   արդար իրաւունքներուն։
       Անոնց անաչառ վկայութիւնները կը մնան պատմական  անխախտ
     վաւերագիրներ։
       Եւ անհերքելի փաստեր` հայոց բռնագրաւուած  իրաւունքներուն։
       Այո’, դաժան ու անողոք էր այդ ժամանակը։
        Եւ այսօր նոյն դաժանութեամբ եւ նոյն գործելակերպով  կը շարունակուին
     նախնադարեան բարքերով ու ռազմամոլութեամբ
    բարբարոսական բռնարարքները։
     Արեւմուտքի եւ արեւելքի մարդասէրներ,  ձեր զօրակցութեան
      ու բուռն բողոքի ձայնը բարձրացուցէք,  անհուն զայրոյթով, խօսքով,
     գրիչով պաշտպանելու իրաւունքները համայն մարդկութեան։
      Երբ քաղաքակիրթ աշխարհը  քար լռութիւն կը պահէ դեռ  ,  տեսնելով
      բարբարոս   ցեղի արեան ծարաւով գործադրուող ժողովուրդի մը
       ահաւոր  սպանդը։
             Պա’յքար ընդդէմ բարբարոսութեան ու բռնակալութեան։
             Պայ’քար  յանուն ճշմարտութեան, յանուն մարդկութեան եւ
             արդարութեան։

LEAVE A REPLY

Please enter your comment!
Please enter your name here