ԹՇՆԱՄԻՆ ԿԸ  ՅԱՐՁԱԿԻ  ԵՐԵՔ ՈՒՂՂՈՒԹԻՒՆՆԵՐՈՎ՝  ԵՒ ԿԸ ՍՏԱՆԱՅ ԼԻԱՐԺԷՔ ՊԱՏԱՍԽԱՆ

0
25

Կիրակի, 11  հոկտեմբերի գիշեր, երկուշաբթի,  12 հոկտեմբերի  լոյս  առաւօտեան  յարաբերական կայուն-լարուած  մթնոլորտ մը  տիրած է  հայ-ազերիական սահմանագիծերուն վրայ:

Թշնամին երկուշաբթի  առաւօտեան ժամերուն   վերսկսաւ  յարձակիլ  հիւսիսային եւ հարաւային սահմանագիծերուն, յատկապէս  Հատրութի  ուղղութեամբ:Արցախի  պաշտպանութեան նախարարութիւնը  հաղորդեց, թէ  Հատրութը կը մնայ  հայկական  ուժերու  հսկողութեան տակ:   Ան նաեւ յայտնեց,թէ կասեցուցած   են  ռազմադաշտերուն մէջ  տարածքային առաւելութիւն  ստեղծելու  թշնամիին  բոլոր  փորձերը:  Առաւօտեան տուեալներով,  թշնամին ունի առնուազն  200  մարդկային զոհ, 3 անօդաչու թռչող սարք եւ  3 զրահապատ:

Բախումները կը շարունակուին տակաւին:

Եւրոպական  Միութեան անդամ  երկիրներու  արտաքին գործոց նախարարները  այսօր՝ երկուշաբթի, Լիւքսեմպուրկի   մէջ  պիտի  քննարկեն  Լեռնային  Ղարաբաղի  հակամարտութիւնը՝   ուրբաթ, 9 հոկտեմբերին, Մոսկուայի մէջ  գոյացած զինադադարի  համաձայնութեան լոյսին տակ:

LEAVE A REPLY

Please enter your comment!
Please enter your name here