ՊԱՅՏԸՆ ԹՐԱՄՓԻ ՎԱՐՉԱԿԱԶՄԷՆ  ԿԸ ՊԱՀԱՆՋԷ   ԴԱԴՐԻԼ «ԱՆԳԱՐԱՅԻՆ ՓԱՂԱՔՇԵԼ» ԼԵՌՆԱՅԻՆ ՂԱՐԱԲԱՂԻ   ՀԱՐՑՈՎ

0
82

Միացեալ Նահանգներու   նախագահութեան  թեկնածու Ճօ Պայտըն  զարմանք յայտնեց   Լեռնային Ղարաբաղի հարցով  Թրամփի վարչակարգին ցուցաբերած  անհասկնալի  կրաւորական կեցուածքէն:

Պայտըն  խոր մտահոգութիւն յայտնեց 10  հոկտեմբերին   Լեռնային Ղարաբաղի  մէջ   ուժի մէջ մտնող զինադադարը  խախտելու  եւ  բախումները վերսկսելու, հարիւրաւոր   կեանքերու կորուստին:

« 27 սեպտեմբերին   ռազմական գործողութիւնները բռնկելէ  ի վեր,  ո’չ  նախագահ Թրամփը, ո’չ ալ  պետական քարտուղար  Փոմփէուն  նոյնիսկ  չեն  հեռաձայնած Հայաստանի եւ Ազրպէյճանի  ղեկավարներուն:  Դիւանագիտութիւնը  Մոսկուային  լիազօրերու փոխարէն  ամերիկեան վարչակազմը  պէտք է  առաւելագոյն  ներգրաւուածութիւն ունենայ  ամենաբարձր մակարդակներով՝   եւրոպացի   գործընկերներու  հետ աշխատելով  դադրեցնելու բախումները եւ  կողմերը  վերադարձնելու բանակցութիւններու սեղան».նշեց Պայտըն, աւելցնելով, որ  Մ. Նահանգներ պէտք  է դադրի  փաղաքշել Թուրքիան, նոյնպէս ալ Իրանը, ըսէ՝   հեռու մնալ   հակամարտութենէն:

« Թուրքիոյ կողմէ  Ազրպէյճանին զէնքի  մատակարարումը եւ  ռազմատենչ հռետորաբանութիւնը անպատասխանատու   քայլեր են: Դժուար պիտի  ըլլայ դիւանագիտական լուծումի  հասնիլը,  սակայն  Թրամփի  վարչակազմը պարտաւոր է  փորձել: Պէտք է արագ շարժի, նախքան աւելի շատ կեանքեր կորսնցնելը եւ հակամարտութեան  ընդլայնումը». դիտել տուաւ Պայտըն:

LEAVE A REPLY

Please enter your comment!
Please enter your name here