Սուրիացի Վարձկանները Պաքուի Կողմէ Իբրեւ Վահան Կը Գործածուին

0
57

ԵՐԵՒԱՆ, «Արմէնփրէս»․- Հանրայայտ անկախ լրագրող Լինզի Սնել կը շարունակէ պատառիկներ հրապարակել սուրիացի վարձկաններու հետ իր զրոյցներէն, որոնցմէ յայտնի կը դառնայ, որ զինեալները խաբած են՝ անոնց ըսելով, թէ պիտի տարուին պահպանելու թրքական խարիսխները եւ ոչ թէ Արցախի դէմ պատերազմի:

Սնել կը յայտնէ, թէ Արցախի մարտերուն մասնակցելէ ետք, Ատրպէյճանէն նոր վերադարձած զինեալները ըսած են, թէ մեծ թիւով վարձկաններ կը սպաննուին, օրական գրեթէ 5-10 հոգի։

«Վարպետ դիպուկահարը մէկ օրուան մէջ սպաննեց 28 հոգի: Ատպէյճանի բանակը հոն էր, բայց չէին կռուեր, այլ սուրիացիներէն 200 մեթր ետեւ կը կանգնէին ու մեզ իբրեւ կենդանի վահան կ՛օգտագործէին: «Համզա» խմբակէն ուղարկած էին շուրջ 1000 հոգի, որոնցմէ 300ը վերադարձաւ, շատերը մահացան: Մենք քաղաքացիական օդանաւով Պաքուէն Անգարա գացինք, իսկ Անգարայէն Այնթապ վերադարձանք ռազմական օդանաւով», պատմած է վարձկան մը:

LEAVE A REPLY

Please enter your comment!
Please enter your name here