Զինադադարը Սկսաւ  Թշնամիին Խախտումներով Եւ Յարձակումներով

0
39

Ինչպէս  ծանօթ է, Հայաստանի  եւ  Ազրպէյճանի հանրապետութիւնները որոշած   էին  կիրակի, 18  հոկտեմբերի  գիշերուան  ժամը 12-էն   սկսեալ, մարդասիրական   զինադադար յայտարարել պատերազմի  բոլոր ճակատներուն  վրայ:

Զինադադարի  համաձայնութիւնը գոյացաւ  ԵԱՀԿ Մինսկի խումբի    համանախագահ երկիրներու՝  Ֆրանսայի, Մ. Նահանգներու եւ Ռուսիոյ  ճնշմումներուն տակ:

Քանի մը  վայրկեան  երկարող յարաբերական  հանդարտութենէ  ետք, ազերի թշնամին գիշերուան ժամը՝ 00.04-էն մինչեւ  02.45  ինկած  ժամանակամիջոցին սկսաւ ռմբակոծել  Արցախի  հանրապետութեան  հիւսիսային եւ հարաւային սահմանագիծերը:

Առաւօտեան  մինչեւ ժամը  07.20-ը ռմբակոծումները  շարունակելէ ետք,  թշնամին նոր յարձակումի անցաւ  Արցախի   հարաւային  սահմանագիծին ուղղութեամբ:

Արցախի  պաշտպանութեան նախարարութիւնը հաղորդեց, թէ երկուստեք կան զոհեր,  աւելցնելով, որ   լարուածութեան  ամբողջ  պատասխանատուութիւնը կը կրէ  Ազրպէյճանի  ռազմաքաղաքական  ղեկավարութիւնը:

Ազրպէյճանի արտաքին գործոց նախարարութեան խօսնակ Լէյլա Ապտուլայեւա յայտարարեց, թէ զինադադար չի նշանակեր պատերազմի աւարտ:

LEAVE A REPLY

Please enter your comment!
Please enter your name here