Հայաստանի  Եւ Ազրպէյճանի  Ղեկավարները   Հանդիպելու Պատրաստակամութիւն Յայտնած  են

0
49

Հայաստանի   հանրապետութեան  վարչապետ  Նիկոլ Փաշինեան  եւ Ազրպէյճանի  նախագահ  Իլհամ Ալիեւ, ընդառաջելով  Ռուսիոյ   միջնորդութեան, հանդիպելու պատրաստակամութիւն յայտնած են:

TASS  լրատուական   գործակալութեան   տրուած  հարցազրոյցներուն  ընթացքին, Նիկոլ Փաշինեան եւ  Իլհամ Ալիեւ նշած  են, թէ  պատրաստ  են հանդիպելու, Լեռնային Ղարաբաղի     հակամարտութեան  կարգաւորման   ուղիներ  գտնելու նպատակով:

«Պատրաս՞տ  էք   գալ Մոսկուա, որպէսզի   հանդիպիք  Ձեր  գործընկերոջը՝  Ռուսիոյ   միջնորդութեամբ».  լրագրողի հարցումին,  Հայաստանի   վարչապետ  Նիկոլ Փաշինեան պատասխանած է.«  Ես արդէն ըսած եմ՝  մենք   միշտ ըսած ենք, որ Լեռնային  Ղարաբաղի  հարցը պէտք է լուծուի   բացառապէս խաղաղ   ճանապարհով: Ցաւ ի սիրտ  Ազրպէյճանը  համաձայն  չէ այս  տեսակէտին:  Եւ ես պատրաստ եմ  ներդնելու  բոլոր անհրաժեշտ  ջանքերը՝  նման արդիւնքի  հասնելու համար, այդ  իմաստով՝  երթալ,  հանդիպիլ, խօսիլ: Բայց մենք  բոլորս պէտք է  հասկնանք, որ լուծումը պէտք է   հիմնուած է ըլլայ  փոխզիջման վրայ: Ի միջիայլոց, եթէ հակառակ կողմէն չկայ  փոխզիջման պատրաստակամութիւն,  մենք պատրաստ  ենք   պայքարելու  մինչեւ վերջ՝ Լեռնային Ղարաբաղի  մեր ժողովուրդի  իրաւունքի,  մեր հայրենակիցներու իրաւունքներուն համար: Սա Հայաստանի  կառավարութեան՛ Հայաստանի  ժողովուրդին, հայկական Սփիւռքի  դիրքորոշումն է:  Եւ ես  կը կարծեմ,որ ազնիւ եւ  կառուցողական դիրքորոշում է»:

TASS-ի լրագրողին  միեւնոյն  հարցումին, Ազրպէյճանի  նախագահ Իլհամ Ալիեւ  պատասխանած է.« Մենք միշտ պատրաստ ենք  հանդիպելու Մոսկուայի մէջ  եւ իւրաքանչիւր  այլ  քաղաքի  մէջ, որպէսզի   վերջ դնենք   դիմակայութեանը եւ գտնենք  կարգաւորման  ճանապարհներ»:

LEAVE A REPLY

Please enter your comment!
Please enter your name here