Փաշինեան՝  Պատերազմի   Մէջ Յաջողութիւնը Կրնայ Լուծել  Արցախի  Կարգավիճակը

0
41

Հայաստանի    վարչապետ Նիկոլ Փաշինեան  դիմատետրի  իր էջին վրայ  գրառում մը կատարած է նշելով, թէ պատերազմին մէջ յաջողութիւնը կրնայ  լուծել Արցախի կարգավիճակը:

Փաշինեանի կարծիքով,   պատերազմին մէջ յաջողութեան գրաւականը  այդ նպատակին  շուրջ ազգային  ներուժի  կեդրոնացումն է  եւ անձնազոհ կերպով   նպատակին  լծուիլը:

«1. Ինչո՞ւ համար է այս պատերազմը՝  Ղարաբաղի կարգավիճակի:

  1. Կրնայի՞նք խուսափիլ այս պատերազմէն. այո’, եթէ յանձնէինք տարածքները եւ համաձայնէինք Ղարաբաղի անորոշ կարգավիճակին, անորոշ ժամանակով, հետագայ կարգավիճակի ճշգրտման մեխանիզմի բացակայութեան պայմաններուն մէջ:
  2. Կրնայի՞նք Ղարաբաղի ընդունելի կամ որեւէ կարգավիճակի հասնիլ բանակցային ճանապարհով. ո’չ, որովհետեւ ատոր վերջին հնարաւորութիւնը սպառած էր 2011 թուականին, Կազանի մէջ:
  3. Կրնա՞նք արդեօք կանգնեցնել այս պատերազմը. տեսականօրէն ՝ այո’ 2-րդ կէտին մէջ նշուած տարբերակի թերեւս քիչ մը աւելի վատթար բանաձեւով:
  4. Կրնա՞յ արդեօք պատերազմը լուծել Ղարաբաղի կարգավիճակի հարցը. Այո’, եթէ յաջողութիւններ արձանագրենք պատերազմի ընթացքին:
  5. Կրնա՞նք արդեօք յաջողութիւններ արձանագրել պատերազմի մէջ. այո’, եթէ այդ նպատակին շուրջ կեդրոնացնենք ազգային ներուժը եւ անկեղծօրէն ու անձնազոհ կերպով բոլորս լծուինք այդ նպատակին»:

 

LEAVE A REPLY

Please enter your comment!
Please enter your name here