«Անհրաժեշտ Է Լիբանանահայութիւնը Ներկայացնել Նոր Կազմուելիք Կառավարութեան Մէջ» Շեշտեց Երեսփոխան Բագրատունի

0
39

ՀՅԴ Լիբանանի Կեդրոնական կոմիտէի եւ Հայկական երեսփոխանական պլոքի ներկայացուցիչ, երեսփոխան Յակոբ Բագրատունի երէկ հարցազրոյցի մը ընթացքին յայտնեց, որ վարչապետի նշանակման պարտադիր խորհրդակցութիւնները յետաձգելու իր պահանջին նպատակն էր կարելի եղածին չափ մեծ թիւով երեսփոխաններու զօրակցութիւն ապահովել նոր նշանակուելիք վարչապետին:

Ան աւելցուց, որ նախորդ օրերուն կեցուածքներու փոփոխութիւն չէ արձանագրուած:

Երեսփոխան Բագրատունի հաստատեց, որ հանրապետութեան նախագահ զօր. Միշել Աուն կը փափաքի վարչապետի նշանակման երեսփոխանական պարտադիր խորհրդակցութիւնները կատարել յառաջիկայ հինգշաբթի օր եւ ընդունիլ անոնց արդիւնքները:

«Անհրաժեշտ է լիբանանահայութիւնը ներկայացնել նոր կազմուելիք կառավարութեան մէջ, որովհետեւ ան երկրի հիմնական բաղադրիչներէն է», ընդգծեց Հայկական երեսփոխանական պլոքի ներկայացուցիչը:

Յ. Բագրատունի կոչ ուղղեց լիբանանեան քաղաքական բոլոր կողմերուն` ստանձնելու իրենց պատասխանատուութիւնները եւ կառավարութեան մաս կազմելու:

Ան նոր նշանակուելիք վարչապետէն պահանջեց անխտիր բոլորին հետ խորհրդակցիլ, որպէսզի նոր կառավարութիւնը ըլլայ բոլորը համախմբող կառավարութիւն:

LEAVE A REPLY

Please enter your comment!
Please enter your name here