Հաճընցիներու Ուշադրութեան Կը Յանձնեմ

0
57
Դոկտ. Մինաս Գոճայեան
Երուսաղէմի Պատրիարքութենէն ներս պաշտօնավարութեանս երկու եւ կէս կարճ տարիներու ընթացքին հանդիպեցայ շատ անակնկալներու։ Անոնցմէ մէկը կը յանձնեմ Կիլիկիոյ Հաճըն եւ շրջակայ գիւղերու հայութեան յետնորդներու ուշադրութեան։ Հայոց վանքին տարածքէն ներս գտնուող «Մարտիկեան» թանգարանը եղած է որբանոց 1920-ական թուականներուն։ Մեր փրկուած որբերը այս շէնքին մէջ պատսպարուած են եւ ստացած են տարրական ուսում եւ սորված են արհեստներ։ Անոնք որբանոց-թանգարանի մուտքին ձգած են մարդուս սիրտը ճմլող արձանագրութիւններ։Անոնցմէ մէկը կը յանձնեմ աշխարհացրիւ հաճընցիներու ուշադրութեան։ Մայրական կողմէս հաճընցի ըլլալով պարտաւոր կը զգամ այս յայտնի մականունով գերդաստանի անդամները տեղեակ պահել այս արձանագրութեան մասին։ Գրող որբուկը կը կոչուի ՀՄԱՅԵԱԿ ՈՒԶՈՒՆԵԱՆ, Հաճըն 1922։

LEAVE A REPLY

Please enter your comment!
Please enter your name here