Զախարովա՝  Ռուսիա  Կը  Շարունակէ Արիւնահեղութիւնը  Դադրեցնելու  Միջնորդութիւնները

0
62

Ռուսիոյ  արտաքին գործոց նախարարութեան  խօսնակ Մարիա Զախարովա յայտարարեց, թէ   Մոսկուա կը  շարունակէ  Լեռնային  Ղարաբաղի մէջ արիւնահեղութիւնը  դադրեցնելու  միջնորդութիւնները:

Ան նաեւ  յայտնեց, թէ  Ռուսիոյ   ռազմական   փորձագէտները  վերահսկողութեան տակ կը պահեն Լեռնային Ղարաբաղի հակամարտութեան գօտիին մէջ ռազմական գործողութիւններուն  մասնակցող  օտարազգի  ահաբեկիչներուն քայլերը:

« Ռազմական փորձագէտները, համապատասխան  գերատեսչութիւններու  ներկայացուցիչները այս  հարցը  ամբողջական  վերահսկողութեան   տակ կը պահեն:   Այս  իրողութիւնը   շատ կ’անհանգստացնէ  մեզի,  մենք այս  մասին   բացայայտօրէն խօսած  ենք, բայց  կրնամ  ձեզի  հաւաստել,  թէ ոչ հրապարակային  աշխատանքներ կը կատարուին  եւ շատ աշխոյժ,  որովհետեւ  սա  իսկապէս   լուրջ խնդիր է  մեզի համար».  ըսաւ Զախարովա:

Միւս կողմէ,  Ռուսիոյ  Պետտումայի (խորհրդարան) պաշտպանութեան  կոմիտէի առաջին փոխնախագահ Անտրէյ  Կրասով  յայտարարեց, թէ  Ռուսիա  չի ծրագրեր ռազմական գործողութիւններ  իրականացնել  Լեռնային Ղարաբաղի մէջ:

LEAVE A REPLY

Please enter your comment!
Please enter your name here