Շաբաթավերջին Վարչապետ Հարիրի Երկու Անգամ Այցելեց Նախագահական Պալատ

0
70

Վարչապետ Սաատ Հարիրի կիրակի  յետմիջօրէին այցելեց հանրապետութեան նախագահ զօր. Միշել Աունի, որուն հետ քննարկեց կառավարութեան կազմութեան թղթածրարը:

Հանդիպումէն ետք նախագահական պալատէն յայտարարուեցաւ, որ կառավարութեան կազմութեան հոլովոյթին գծով զարգացում արձանագրուած է:

Նշենք, որ վարչապետ Հարիրի նախանցեալ օր դարձեալ այցելած էր նախագահ Աունի, որուն հետ քննարկած էր տիրող իրավիճակն ու կառավարութեան կազմութեան թղթածրարին վերաբերող մանրամասնութիւններ:

Հանդիպումէն ետք Հարիրի ըսաւ. «Պիտի բաւարարուիմ ձեզի յայտնելով, որ հանրապետութեան նախագահին հետ երկարատեւ հանդիպումս դրական էր: Որեւէ այլ հարցումի պիտի չպատասխանեմ»:

Միւս կողմէ, նախագահական պալատի մամլոյ գրասենեակը հրապարակեց հաղորդագրութիւն մը, որ կը նշէ, թէ նախագահ Աունի եւ Հարիրիի հանդիպումին մասին Պաապտայէն ոչ մէկ տեղեկութիւն հրապարակուած է կամ տարածուած:

Հաղորդագրութիւնը կոչ ուղղեց բոլոր լրատուամիջոցներուն դիմելու նախագահական պալատի մամլոյ գրասենեակ` ստուգելու համար նախագահ Աունի կեցուածքները:

LEAVE A REPLY

Please enter your comment!
Please enter your name here