Արծրուն Յովհաննիսեան՝ Թշնամին գրաւեց Քուպաթլուն, Ես Կը Հաւատամ Հայ Զինուորի Բազուկին

0
48

Հայաստանի պաշտպանութեան նախարարութեան  ներկայացուցիչ Արծրուն Յովհաննիսեան  մամլոյ ասուլիսի մը  ընթացքին յայտնեց, թէ  թշնամին յաջողած է  գրաւել  Քուպաթլուն եւ  որոշ ուղղութիւններով կը  յառաջանայ:

« Վաղը  մենք   քարտէսի   վրայ աւելի յստակ ցոյց  կու տանք  այդ տարածքները».նշեց Յովհաննիսեան:

« Այսօր  ողջ օրուան ընթացքին   հրոսակախումբերը չյաջողեցան   ճեղքել  ռազմաճակատը:    Հակառակ որ  կարգ մը տեղերու  յաջողութիւն ունեցան, մեր  ստորաբաժանումները  յաջողցեան   հակայարձակումի միջոցով  ետ վերցնել:   Նոյն  ժամանակին Հատրութէն  հիւսիս գտնուող  գիւղերու, անտառներու  հատուածին մէջ   չէզոքացուցինք թափանցելու փորձ կատարող  խմբաւորումները: Ոմանք  նոյնիսկ իրենց  ռազմամեքենաները  ձգելով փախուստ տուին».  ըսաւ Յովհաննիսեան:

Ան նշեց, է   բախումները կը շարունակուին Շեխեր, Ճիւանի, Ազոխ  եւ յարակից  գիւղերուն մէջ:

«Այո’  թշնամին  որոշ  տեղերու  մէջ  ունեցաւ  յաջողութիւն, այո’ անոնք մօտեցան Սիւնիքի  դարպասներուն,  բայց  իրավիճակը  ծայրայեղ չէ: Ես կը  հաւատամ  հայ  զինուորի բազուկին,  հայ զինուորի խելքին,  հմտութեանը,  տոկունութեանը:  Հայ  զինուորը այսօր ալ, երէկ ալ նոյնիսկ  եթէ  ինչ որ տեղ նահանջած է, շատ  տեղերու մէջ  փախուստի  մատնած է աշխարհի  յառաջատար  բանակներու յատուկ  ջոկատներուն եւ այս կը  կրկնուի  գրեթէ ամէն  օր». յայտարարեց  Յովհաննիսեան:

Միւս  կողմէ,  Հայաստանի վարչապետ յայտարարեց, թէ   Մ. Նահանգներէն  արձագանգ կը սպասէ  զինադադարը  Ազրպէճանի կողմէ խախտուելուն վերաբերալ:

Այսօր   երեքշաբթի առաւօտեան, Արցախի    սահմանագիծի երկարութեամբ ծանր   բախումներ տեղի կ’ունեան Արցախի պաշտպանութեան  բանակին եւ ազերի  հրոսախումբերուն  միջեւ:

LEAVE A REPLY

Please enter your comment!
Please enter your name here