Հարիրի. «Պիտի Չհրաժարիմ. Պատրաստ Եմ Երկխօսութեան, Եւ Նախագահ Աունի Հետ Մթնոլորտը Դրական Է»

0
56
Lebanese Prime Minister-Designate Saad Hariri speaks to journalists at the Presidential Palace in Baabda, east of Beirut, Lebanon, Thursday, Oct, 22, 2020. Lebanon's president Michel Aoun asked former premier Saad Hariri to form the country's next government Thursday after he secured enough votes from lawmakers - bringing back an old name to lead the country out of its dire political and economic crises. (AP Photo/Hussein Malla)

Նշանակուած վարչապետ Սաատ Հարիրի հարցազրոյցի մը ընթացքին յայտնեց, որ հանրապետութեան նախագահ զօր. Միշել Աունի հետ մթնոլորտը դրական է` աւելցնելով, որ քաղաքական տարբեր ուժերուն մօտ կան նաեւ գործակցութեան բարի նպատակներ:

«Այս մթնոլորտին ներքեւ կառավարութիւնը կարելի է կազմել մօտիկ ապագային, կամ առաւելագոյնը մէկ շաբթուան ընթացքին», ըսաւ ան` նկատել տալով, որ Լիբանանի մէջ տիրող իրավիճակը ուշացում չի կրնար հանդուրժել:

Հարիրի շեշտեց, որ ինք պատրաստ է երկխօսութեան` ընդգծելով, որ ամէն բան կրնայ քննարկումի եւ փոխըմբռնումի ենթակայ ըլլալ: «Բայց եւ այնպէս, ինծի համար հիմք ու առանցք կը կազմէ ֆրանսական նախաձեռնութիւնը», ըսաւ ան:

Հարիրի նշեց, որ նախարարներու ընտրութիւնը կատարելու ընթացքին կարելի չէ միայն բաւարարուիլ ատակութեամբ եւ մասնագիտութեամբ, «կարեւոր է, որ այդ ատակութիւնը գործադրելու փորձառութիւն գոյութիւն ունենայ», յայտնեց վարչապետը:

Ան շեշտեց, որ ինք պիտի չհրաժարի: «Ինչպէս ծանօթ է, ես կիսով իրաքցի եմ, որովհետեւ մայրս իրաքեան ծագում ունի: Հետեւաբար, երբ կարիքը զգացուի, ես յամառ եմ», ըսաւ Հարիրի:

LEAVE A REPLY

Please enter your comment!
Please enter your name here