Արցախի  հիւսիսային Ուղղութեամբ  Յարձակող   Ազերի  հրոսակները  Յետ Շպրտուեցան

0
40

Այսօր՝ ուրբաթ առաւօտեան   Արցախի  պաշտպանութեան բանակը յետ մղեց  հիւսիսային   սահմանագիծերուն երկարութեամբ  յարձակող ազերի  հրոսախումբերը,թշնամիին պատճառելով  մեծ կորուստներ:

«Այսօր   հիւսիսի մէջ թշնամին սովորականէն աւելի կանուխ  սկսաւ յարձակումը, դաշտին մէջ լքելով տասնեակաւոր դիակներ». յայտարարեց  Հայաստանի պաշտպանութեան նախարարութեան ներկայացուցիչ Արծրուն Յովհաննիսեանը:

Միւս  կողմէ, Արցախի  պաշտպանութեան   բանակի ստորաբաժանումները գիշերուան  ընթացքին շարունակեցին  թշնամիին յարձակումները  չէզոքացնելու գործողութիւնները: Անոնք  ոչնչացուցին   մեծ քանակութեամբ  զինամթերք եւ   մարդուժ:

Արցախի պաշտպանութեան  նախարարութիւնը  հաղորդեց, թէ   կէս գիշերէն ետք, թշնամին  փորձած  է նոր յարձակում  ձեռնարկել  Արցախի   հարաւարեւելեան ուղղութեամբ: Թշնամիին  փորձերը ձախողութեան մատնուած  են: Ան  կրած  է լուրջ վնասներ:

Դիւանագիտական գետնի  վրայ,  անցնող  24  ժամերուն  ընթացքին Երեւան այցելած  Իրանի արտաքին գործոց փոխնախարար  Ապպաս Արաքչի Լեռնային  Ղարաբաղի հակամարտութեան լուծման  Իրանի նախաձեռնութիւնը ներկայացուց Հայաստանի արտաքին գործոց նախարար  Զօհրապ Մնացականեանին: Վերջինս յայտնեց, թէ Հայաստան պատրաստ է մանրամասնօրէն քննարկելու Իրանի նախաձեռնութիւնը:  Արաքչի   միաժամաանկ  դատապարտեց  Արցախի   խաղաղ բնակիչներու եւ հիւանդանոցներու վրայ  յարձակումները:

Հայաստանի մարդկային  իրաւունքներու պաշտպան   Արման  Թաթոյեան  յայտարարեց, թէ  Ազրպէյճանի կողմէ  գերեւարուած  84-ամեայ  Միշա Մելքումեանը մահացած է   29 հոկտեմբերէն 30-ի լոյս   գիշերը:  Թաթոյեան  աւելցուց, թէ  ազերիները  դաժանութեան եւ  անմարդկային  վերաբերմունքի ենթարկած  են   ծերունին:

Բրիտանական   The Daily Telegraph  թերթին տուած  հարցազրոյցին ընթացքին,  Հայաստանի վարչապետ Նիկոլ Փաշինեան յայտնած է, թէ  ռուս խաղաղապահներու տեղակայումը  Լեռնային Ղարաբաղի մէջ  պիտի դառնայ  իրավիճակի  չափաւոր լուծում: « Ես կողմ եմ  հակամարտութեան  գօտի ռուս խաղաղապահներու  մուտքին:  Բայց  խնդիրը այն է, որ  հակամարտութեան գօտիին մէջ  Ռուսիոյ  խաղաղապահ  ուժերու տեղակայումը  պէտք է հաստատուի  հակամարտութեան բոլոր կողմերէն». դիտել  կու  տայ  Փաշինեան:

LEAVE A REPLY

Please enter your comment!
Please enter your name here