Բարերար  Պարոն Ռաֆֆի  Մանուկեան  165 Միլիոն Լ.Ո.  Կը  Նուիրէ  Մեսրոպեան Արուեստից  Վարժարանին

0
66

Հայ կաթողիկէ Մեսրոպեան Արուեստից վարժարանի տնօրէնութիւնը ուրախութեամբ կը յայտնէ, որ, յանձինս Լոնտոն հաստատուած պարոն Ռաֆֆի Մանուկեանի, վարժարանս ընթացիկ տարուընէ սկսեալ առանձնաշնորհումը պիտի ունենայ վայելելու նեցուկը պատուարժան բարերարի մը, որ երկար տարիներէ ի վեր առատաձեռնօրէն կը զօրակցի հայ ուսանողներուն եւ հայ դպրոցին՝ Լիբանանի մէջ թէ այլուր:

Արդարեւ, պարոն Ռաֆֆի Մանուկեան այս տարուան համար Մեսրոպեան արուեստից վարժարանին կը նուիրէ 165.000.000 լիբանանեան ոսկի. այս դրամաշնորհը կը ծածկէ վարժարանի 161 ուսանողներուն տարեկան կրթաթոշակին մէկ երրորդը:

Մեսրոպեան արուեստից վարժարանը, տնօրէնութեամբ եւ ուսանողներով, խորապէս շնորհակալութիւն կը յայտնէ պարոն Մանուկեանին այս գօտեպնդող օժանդակութեան համար: Տնօրէնութիւնս կը հաւաստիացնէ, որ այս օգնութիւնը էապէս պիտի նպաստէ, որ ներկայ աննախընթաց դժուարին պայմաններուն մէջ վարժարանս լիարժէքօրէն շարունակէ իր կենսագործունէութիւնը՝ ի շահ թեքնիք կրթութեան լիբանանահայ ուսանողներուն:

Տնօրէնութիւն

Հայ Կաթողիկէ Մեսրոպեան Արուեստից Վարժարանի

LEAVE A REPLY

Please enter your comment!
Please enter your name here