Տեր Ամենակարող

0
153

Նարինե Ավագյան

Տեր

ամենակարող`

այս լուսաբացի և քո զորությամբ

հեռացրու ամպերը հայոց երկինքներից,

տուր մեզ նորից թևեր,

քանզի այդ դու ես,

որ մեզ սողալ չես սովորեցրել,

այլ ճախրել միայն…

Տեր

ամենակարող`

ապավինում եմ քո դատաստանին.

աստվածատյալ հոգին մեր ճախրն է ուզում,

ճզմիր նենգ ցասումը ափերիդ մեջ արդար

և ցած նետիր այնպես, որ նա սողա նորից:

օգնիր մեզ կտրել սողացող ոսոխի գլուխն

իր իսկ բնում,

նեցուկ եղիր մեր որդիներին, հայրերին ու եղբայրներին,

քանզի նրանց պահանջն արդար է և

նրանց մեջ է այն լույսը,

որտեղ ապրում ես դու`

այժմ և միշտ,

հավիտյանս

հավիտենից

Ամեն…

#Հաղթելու_ենք

#Նարինե_Ավագյան

 

LEAVE A REPLY

Please enter your comment!
Please enter your name here