Զախարովա՝ Ռուսիա Ահաբեկչական Գօտի Ձեւաւորելու Վտանգ Կը Տեսնէ Անդրկովկասի Մէջ

0
63

ՕՐՈՒԱՆ ԼՐԱԳԻՐ՝  5  ՆՈՅԵՄԲԵՐ 2020

Ռազմական գետնի վրայ,  ազերիները  օրուան ընթացքին շարունակեցին ռմբակոծել Արցախի  բնակելի  շրջանները:  Պարբերաբար ռմբակոծուեցան Շուշին, Ստեփանակերտը եւ այլ  վայրեր:

Արցախի պաշտպանութեան  բանակը ոչնչացուց Քարին տակ եւ Լիսագոր  թափանցած ազերի   հրոսակները:

Դիւանագիտական գետնի վրայ, Ռուսիա Լեռնային Ղարաբաղի  հակամարտութեան  կողմերուն  հանդուրժողականութիւն ցուցաբերելու, քաղաքացիները  հարուածելէ  խուսափելու կոչ մը ըրաւ:

Ռուսիոյ արտաքին  գործոց նախարարութեան խօսնակ Մարիա Զախարովա դիտել տուաւ, որ  անհրաժետ է  գործնական  քայլերու  ձեռնարկել  լարուածութիւնը մեղմացնելու, հակամարտութիւնը հիմնարար սկզբունքներու  հիման վրայ  խաղաղ   ճանապարհով կարգաւորելու բանակցութիւնները վերսկսելու համար:

Միւս կողմէ, Ռուսիոյ արտաքին գործոց նախարարութիւնը «բացարձակ  սուտ»  գնահատական տուաւ, սպանական  «EFE»   լրատուական գործակալութեան  տուած հարցազրոյցին  ընթացքին,Ազրպէյճանի նախագահ Իլհամ Ալիեւի  կատարած յայտարարութիւններուն: Ալիեւ յայտնած է, թէ  ըստ Ռուսիոյ արտաքին  գործոց նախարարութեան, պատերազմը Ազրպէյճանի  տարածութեան մէջ  տեղի  կ’ունենայ:  Ան նաեւ յայտնած է, թէ նախագահ Փութին  մերժած է  Հայաստանին  օգնութիւն տրամադրելու վարչապետ Նիկոլ  Փաշինեանի խնդրանքը:

Ռուսիոյ արտաքին  գործոց նախարարութիւնը դիտել տուաւ, որ Ազրպէյճանի նախագահին  կեղծիքը  բացայայտելու համար, անհրաժեշտ է պարզապէս կարդալ Ռուսիոյ արտաքին գործոց  նախարարութեան հրապարակային յայտարարութիւնը:

Զախարովա աւելցուց՝ Ռուսիա ահաբեկչական  գօտի ձեւաւորելու վտանգ  կը տեսնէ Անդրկովկասի մէջ: «Ռուսիա կը  դատապարտէ եւ անթոյլատրելի կը նկատէ  հակամարտութեան մէջ օտար  ուժերու  միջամտութիւնը».եզրակացուց  Զախարովա:

Իրանական «Azariha» կայքը  տեսանիւթ  մը հրապարակեց, ուր իրանեան բանակը յաւելեալ  ստորաբաժանումներ եւ ռազմական արհեստագիտութիւն կը  փոխադրէ  Լեռնային Ղարաբաղի հետ սահմանը:

LEAVE A REPLY

Please enter your comment!
Please enter your name here