Հանրահաւաքի Մասնակիցները Ազգային Ժողովի Արտահերթ Նիստ Պահանջեցին

0
48

Հայաստանի  ընդդիմադիր  17  կուսակցութիւնները  հանրահաւաք մը կազմակերպեցին այսօր՝ Ազատութեան հրապարակին վրայ:Անոնք  ներկայացուցին պատերազմի  հետեւանքով ստեղծուած  իրավիճակէն  ելքի   իրենց  տարբերակը:

Ոստիկանութիւնը պահանջեց  դադրեցնել  հանրահաւաքը, դիտել տալով, որ  ռազմական դրութեան պայմաններու մէջ  արգիլուած  են  խմբային  միջոցառումները:   Այդ պատճառով, ոստիկանութիւնը  ձերբակալեց 129  քաղաքացի, որոնց  41-ը՝ ազատ արձակուեցաւ:

Խորհրդարանական  եւ արտախորհրդարանական   ընդդիմութեան ներկայացուցիչները  պահանջեցին  խորհրդարանի արտահերթ նիստ  եւ կառավարութեան հրաժարականը:

ՀՅԴ-ի  Գերագոյն Մարմինի ներկայացուցիչ  Իշխան Սաղաթելեան պահանջեց, որ  Ազգային ժողովը արտահերթ  նիստ  հրաւիրէ յառաջիկայ ժամերուն եւ լուծէ  վարչապետ Փաշինեանի հրաժարականը: « Հիմա  ես կ’առաջարկեմ, որ բոլորս   շարժինք դէպի Ազգային ժողով եւ  պահանջենք  արտահերթ  նիստ». ըսաւ  Սաղաթելեան:

Լուսաւոր  Հայաստան խորհրդարանական խմբակը  Ազգային  ժողովի արտակարգ  նիստ գումարելու ստորագրահաւաք նախաձեռնեց:  Ըստ  գործող սահմանդրութեան՝  33  երեսփոխանի ստորագրութիւն  բաւարար է  արտահերթ նիստ հրաւիրելու համար:

LEAVE A REPLY

Please enter your comment!
Please enter your name here