Ռուս, ամերիկացի եւ Ֆրանսացի  Դիւանագէտներ Վաղը Պիտի Քննարկեն Լեռնային Ղարաբաղի Իրավիճակը

0
33

Վաղը՝ չորեքշաբթի,18  նոյեմբեր  2020-ին, ռուս, ամերիկացի եւ  ֆրանսացի դիւանագէտներ  Լեռնային  Ղարաբաղի  իրավիճակը պիտի  քննարկեն Մոսկուայի  մէջ:

Ռուսիոյ արտաքին  գործոց նախարարութեան խօսնակ  Մարիա Զախարովա  յայտնեց, թէ  արտաքին  գործոց նախարարութեան  յատուկ յանձնարարութիւններու դեսպան  Իկոր Փոփովը պիտի   ներկայացնէ  Ռուսիան: Վերջինս  միաժամանակ անդամ է ԵԱՀԿ  Մինսկի խումբի   համանախագահութեան:

Իր  կարգին,  Ֆրանսայի արտաքին  գործոց նախարար Ժան Իվ Լը Տըրիան հաստատեց  հանդիպումը:

Կ’արժէ  նշել, որ  Ուաշինկթըն եւ Փարիզ Մոսկուայէն  մանրամասնութիւններ կը պահանջեն Լեռնային Ղարաբաղի  հակամարտութեան մէջ  Թուրքիոյ   դերակատարութեան:  Սոյն  հարցը լուսարձակի տակ առնուեցաւ Մ.Նահանգներու պետական  քարտուղար  Մայք Փոմփէուի եւ Ֆրանսայի արտաքին  գործոց նախարար Ժան Իվ Լը Տըրիանի միջեւ  Փարիզի  մէջ  կայացած    հանդիպումին:  Անոնք  նշեցին, թէ  իբրեւ ԵԱՀԿ Մինսկի խումբի  համանախագահներ  յանձնառու կը մնան վերջինիս դերակատարութեան, սակայն Մոսկուայէն    պարզաբանումներ  պահանջեցին  Ռուսիոյ, Հայաստանի եւ Ազրպէյճանի միջեւ կնքուած  եռակողմ  համաձայնութեան եւ անոր մէջ Թուրքիոյ դերակատարութեան:

LEAVE A REPLY

Please enter your comment!
Please enter your name here