Լաւրով  Մեկնաբանեց Լեռնային  Ղարաբաղի Հարցին  Կարգաւորման  Ռուսիոյ  Մասնակցութեան  Մ. Նահանգներու  Արձագանգը

0
101

Ռուսիոյ  հեռատեսիլի  RT կայանին տուած  հարցազրոյցին, Ռուսիոյ  արտաքին գործոց  նախարար Սերկէյ Լաւրով   մեկնաբանեց  Լեռնային  Ղարաբաղի բանակցութիւններուն Ռուսիոյ  մասնակցութեան վերաբերեալ  Մ. Նահանգներուն արձագանգը:

« Նախ  ես չեմ կարծեր, որ  ան( Լեռնային Ղարաբաղի հարցը)  լուծուեցաւ առանց Միացեալ Նահանգներու մասնակցութեան, որովհետեւ, անշուշտ,  երեք համանախագահներու՝ Ռուսիոյ, Մ. Նահանգներու  եւ Ֆրանսայի դիրքորոշումը, որ 9  նոյեմբերին ստորագրուած փաստաթուղթին նախորդող վերջին ամսուան   ընթացքին բազմիցս ներկայացուած է ինչպէս՝  նախագահներու, այնպէս  ալ  նախարարներու  եւ  համանախագահող  երկիրներու յատուկ   ներկայացուցիչներու մակարդակով, եղած է  յօգուտ արիւնահեղութիւնը անյապաղ դադրեցնելու, զինադադարի  դրութիւնը  վերահսկելու  տարազը մշակելու եւ քաղաքական առումով,   հոգեբանօրէն ազդելու  իրավիճակի վրայ».   ըսաւ Լաւրով:

«Իրավիճակի մը  մէջ, երբ  խօսքը  բառացիօրէն  վայրկեաններու մասին էր, որուն  իւրաքանչիւրը իր գինը ունէր՝ մարդկային  կեանքերու տեսքով,  հեռաձայնե՞լ  Ուաշինկթընին, Փարիզին, պայմանաւորուի՞լ   այն հարցի  շուրջ, թէ արդեօք կատարեն որոշակի ձեւակերպումներ…»  նշեց  Լաւրով,  աւելցնելով, որ այդպիսի  պնդումներ  յառաջ  քաշելը պարզապէս սխալ  է եւ ոչ՝  բարոյական»:

LEAVE A REPLY

Please enter your comment!
Please enter your name here