«Գորշ Գայլեր»ը Այժմ Գերմանիոյ Մէջ Կը Հալածեն Հայերը

0
61

ՓԱՐԻԶ, «Նոր Յառաջ».- Հանրածանօթ պատմաբան Թաներ Աքչամ «Ֆէյսպուք»ի իր էջին վրայ ահազանգ կը հնչեցնէ մտահոգիչ նոր երեւոյթի մը մասին:

Պատմաբանը կը գրէ, թէ թուրք ծայրայեղ ազգայնականներու «Գորշ Գայլեր» ծանօթ կազմակերպութիւնը հիմա ալ սկսած է հալածել գերմանահայութիւնը:

«Գերմանիոյ մէջ ծայրայեղ (թուրք) ազգայնականները, ստորեւ տրուած թռուցիկը կը ցրուեն այն հայերուն տուները, որոնք իրենց ծանօթ են: Ասիկա բացայայտ յանցանք է: Անհրաժեշտ է, որ գերմանական կառավարութիւնը միջոցներու դիմէ», իր գրառումին մէջ կ՛ըսէ Աքչամ՝ զետեղելով վերոնշեալ թռուցիկին բեցանդակութիւնը.

««Գորշ Գայլեր»ը ձեզ կը հետապնդեն: Հայաստանի գարշելի զաւակնե՛րը, ձեր բոլորն ալ պիտի գտնենք եւ ձեր զաւակները իրենց կարգին իրենց գերեզմաններուն մէջ թաղուելէ առաջ՝ պիտի կանգնին ձեր գերեզմաններուն վրայ: Ատրպէյճանցի մեր եղբայրներուն կողքին ենք եւ պիտի չարտօնենք, որ Հայաստանի անհաւատ շուները Գերմանիոյ մէջ խաղաղ ապրին: Ձեզ կը ճանչնանք եւ լա՛ւ գիտենք, թէ ո՛ւր են ձեր զաւակները գիշեր-ցերեկ: «Գորշ Գայլեր»ը ձեզ մօտէն կը հետապնդեն»:

LEAVE A REPLY

Please enter your comment!
Please enter your name here