Զօր. Մովսէս Յակոբեանի Յայտարարութիւնները՝ Արցախեան Պատերազմին Մասին

0
46

ԵՐԵՒԱՆ, «Թերթ».- Հայաստանի պաշտպանութեան նախարարութեան ռազմական վերահսկողական ծառայութեան նախկին պետ զօր. Մովսէս Յակոբեան, որ 18 Նոյեմբերին իր հրաժարականը տուաւ, 19 Նոյեմբերին տուաւ մամլոյ ասուլիսի մը, որուն ընթացքին վարչապետ Նիկոլ Փաշինեանը մեղադրեց յանցագործութեան մէջ:

«Սա դաւաճանութիւն չէ, անգրագիտութիւն է եւ պատերազմի արուեստին, ղեկավարման համակարգին չտիրապետել է», յայտնեց ան՝ յատկապէս նշելով, որ «երկրի վարչապետը հրաման է արձակում կանգնեցնել լրահամալրումը եւ փոխարէնը կամաւորականներին ուղարկել առաջնագիծ` պատերազմի երրորդ օրը»: Ըստ անոր` զօրահաւաք չէ կատարուած, եւ հոնկէ ալ ծագած են բոլոր խնդիրները:

Ան նաեւ դիտել տուաւ, որ պատերազմիn ընթացքին վարչապետին տիկնոջ տեսած է Արցախի ռազմական հրամանատարական կազմին մէջ, անկէ խնդրած է հեռանալ, որմէ 4 ժամ ենք զինք Երեւան կանչած են՝ ըսելով, որ վարչապետը կ՛արգիլէ իրեն Արցախ երթալ։ Զօրավարը նաեւ պատերազմական վիճակին, Ռուսիոյ կողմէ օժանդակութեան եւ արձանագրուած թերութիւններուն մասին ցնցիչ բացայայտումներ կատարեց։

Նշենք, որ մամլոյ ասուլիսէն ետք զօրավար-գնդապետ Մովսէս Յակոբեան հրաւիրուեցաւ Յատուկ քննչական ծառայութիւն՝ հարցաքննութեան, որմէ ետք վերադարձաւ տուն։

Մինչ այդ վարչապետի մամլոյ խօսնակ Մանէ Գէորգեան յայտնեց, որ Մովսէս Յակոբեանի յայտարարութիւններով պէտք է զբաղին իրաւապահ մարմինները, որոնք պէտք է քննեն բոլոր յայտարարութիւնները, եւ «դրանք պէտք է հատիկ հատիկ պարզաբանուեն եւ գնահատականի արժանանան»:

Ընդգծելով, որ Հայաստանի վարչապետը իր հասցէին՝ Յակոբեանի կատարած բոլոր մեղադրանքները կը նկատէ մտացածին եւ անհեթեթ` վարչապետին խօսնակը տեղեկացուց, որ, ըստ պատեհութեան, Փաշինեան կ՚անդրադառնայ անոնց:

«Այդ յայտարարութիւնները ուսումնասիրւում են նաեւ վարչապետի նկատմամբ սուտ մատնութիւն անելու համատեքստում: Ուսումնասիրութիւնների արդիւնքում այս կապակցութեամբ նոյնպէս կը կայացուի որոշում», յայտարարեց Գէորգեան։

LEAVE A REPLY

Please enter your comment!
Please enter your name here