Ինչու՞ Պարտուեցանք

0
206

Նուարդ Մատոյեան-Տարագճեան

_ Մենք պարտուեցանք, որովհետեւ ինչպէս միշտ, մեր ժողովուրդին

ճակատագիրը ենթարկուեցաւ գերհզօր ոյժերու քաղաքական

պայքարի հաշիւներուն։

_Պարտուեցանք, որովհետեւ չենք սերտած մեր պատմութիւնը

համոզուելու` թէ մեր ներքին պառակտումները դարերու ընթացքին

եղած են ազգին դժբախտութեան հիմնական պատճառը, երկիրը

հասցուցած են կործանման։

_ Մենք պարտուեցանք, որովհետեւ` “Քաղաքակիրթ”ազգերը

հարուածեցին Քաղաքակրթութիւնը, գերադասելով իրենց

պետական շահերը։

Անոնք իրենց երկդիմի կեցուածքով “Վարձատրեցին Բարբարոսութիւնը “։

Անտեսեցին մարդկային իրաւունքները, հայրենազրկելով Արցախի

բնակչութիւնը։

_ Մենք պարտուեցանք, որովհետեւ` “Քաղաքակիրթ” աշխարհին մէջ

“Արդարութիւնը Հանգուցեալ է Տիրապէս”։

Հոն անտառային օրէնքն է գերիշխողը`

“Իրաւունքը Հզօրինն է”։

_ Մենք պարտուեցանք, ոչ այնքան ռազմական աշխարհաքաղաքական

փորձ չունենալու, այլ որքան քաղաքացիական գիտակցութեան պակասէն։

Մոոցանք, որ ճգնաժամային այս դրութեան մէջ ժամանակը չէ, մեղաւորներ

փնտրելու, հետեւութիւններ ընելու ։ Փոխարէնը անհրաժեշտ է կարեւոր

խնդիրներ վեր հանել, լուծումներ գտնել։

Ի՞նչու տեղի ունեցաւ այս ամէնը, մասնագիտօրէն վերլուծել,

որպէսզի չկրկնուին այդ սխալները։ Թերութիւնները կարելի է վերացնել,

ելքեր գտնելով։ Որովհետեւ ամէն ինչ աւարտուած չէ։

_ Մենք պարտուած ենք վարկաբեկելով ու արժեզրկելով մեր պետութիւնը,

որ կը ծառայէ թշնամիին նպատակները իրականացնելու,

կը նշանակէ պետութիւնը արժէք մը չէ մեզի համար։

_ Այո պարտուած ենք, բայց երբեմն պարտութիւնը կը դառնայ

յաղթանակի սկիզբ։ Երբ յարմար առիթը ներկայանայ, կարենանք

մարտահրաւէրները դիմագրաւել հաւաքական կամքով։

Ռազմաքաղաքական այս իրավիճակին մէջ, փոխանակ

պարտուողականութիւն քարոզելու, քայքայելու մեր ուժերը,

խորացնելու ատելութիւնը, համերաշխութիւն ներշնչենք հայութեան

շարքերէն ներս, որպէսզի կարենանք ոտքի կանգնիլ։

Այդ կը պահանջեն Հայաստանի գերագոյն շահերը։

Չմոռնանք, որ բոլոր չարիքներն ու կռիւները կը սկսին ատելութեամբ,

իրար արհամարհելով, եւ կ’աւարտին ողբերգութեամբ։

_ Այսօր աշխարհաքաղաքական վերիվայրումները մեզմէ կը

պահանջեն` Ծրագրուած ու Միակամ յառաջանալ, յաղթական ու

ապահով դուրս գալու այս յորձանքէն։

Հայրենիքը Ամէն Բանէ Վեր…

 

LEAVE A REPLY

Please enter your comment!
Please enter your name here