Ռուսիա Խաղաղապահներ Ուղարկեց, Երբ Հայաստանի Համար Ծայրայեղ Ծանր Վիճակ Ստեղծուեցաւ․ Քաւանօղաղապահներ Ուղարկեց, Երբ Հայաստանի Համար Ծայրայեղ Ծանր Վիճակ Ստեղծուեցաւ․ Քաւանօ

0
433

ՄՈՍԿՈՒԱ, «ՌԻԱ Նովոսթի»․- Ռուսիոյ միջնորդութեամբ Արցախի շուրջ համաձայնութիւնը կը բովանդակէ շատ մը կէտեր, որոնք մշակուած են ԵԱՀԿի Մինսկի խմբակի շրջանակներուն մէջ եւ դուրս կու գան կրակոցի հասարակ դադրեցման սահմաններէն՝ հիմք դնելով տագնապի լուծման համար, յայտնեց Եւրոպայի եւ Եւրասիոյ մէջ տագնապներու լուծման հարցերու Միացեալ Նահանգներու յատուկ ներկայացուցիչ Քերի Քաւանօ:

«Ասիկա մարդասիրական զինադադար եւ կրակոցի դադրեցում չէ, որուն ուղղութեամբ նախապէս աշխատած էին Լաւրով եւ Փութին, Փութին եւ Մաքրոն, Փոմփէօ, որ այս հարցին շուրջ քննարկումներ ունեցաւ Հայաստանի եւ Ատրպէյճանի արտաքին գործոց նախարարներուն` Միացեալ Նահանգներ կատարած այցելութեան ընթացքին: Ասիկա աւելի հեռու կ՛երթայ: Ասիկա խաղաղ լուծման հիմնական տարրերով կրակոցի դադրեցման դրութիւն է: Այդ տարրերը իրականութեան մէջ վերջին 20 տարիներուն քննարկուած են Մինսկի խմբակին մէջ», նշեց Քաւանօ, որ տարիներ շարունակ Արցախի տագնապին հարցով Միացեալ Նահանգներու բանակցողի պաշտօնը վարած է ԵԱՀԿի Մինսկի խմբակին մէջ:

Քաւանօ այդ տարրերուն շարքին նշեց զիջումները, խաղաղապահներու մուտքը շրջանին մէջ, գաղթականներու վերադարձը, ինչպէս նաեւ փոխադրամիջոցներու միջանցքներու երաշխիքները՝ մէկ կողմէ Հայաստանի եւ Արցախի միջեւ, իսկ միւս կողմէ Ատրպէյճանի եւ Նախիջեւանի ինքնավար հանրապետութեան միջեւ:

«Քաղաքական առումով, Ռուսիա չէ հեռացած այն դիրքորոշումներէն, որոնց կ՛աջակցէին Մինսկի խմբակի միւս համանախագահ երկիրները՝ Ֆրանսա եւ Միացեալ Նահանգները: Միակ բանը, որ կը տարբերի այս ամբողջ ընթացքին ռուս խաղաղապահներու տեղակայումն է», նշեց Քաւանօ, սակայն, նաեւ աւելցուց, որ կը կարծէ, թէ Ռուսիա ի սկզբանէ կասկածներ ունէր իր խաղաղապահները շրջանը ուղարկելու հարցին մէջ, սակայն այդ քայլին դիմեց, երբ Հայաստանի համար ծայրայեղ ծանր վիճակ ստեղծուեցաւ:

LEAVE A REPLY

Please enter your comment!
Please enter your name here