ՀԵԸ-ական Տիգրան Զէյթճեան Վերընտրուեցաւ Լիբանանի Ճատրակի Ֆետերասիոնի Փոխնախագահ

0
621

Ուրբաթ, 4  Դեկտեմբեր 2020-ին,  Լիբանանի ճատրակի  ֆետերասիոնի կեդրոնին մէջ  տեղի ունեցաւ ֆետերասիոնի ընդհանուր անդամական ժողովը:  Ընթացաւարտ  ֆետերասիոնը ներկայացուց անցնող չորս տարուան գործունէութեան նիւթաբարոյական  տեղեկագիրը, որմէ  ետք տեղի ունեցան ֆետերասիոնի  նոր  շրջանի՝  2020-2024  ընտրութիւնները:

ՀԵԸ Անդրանիկ  Անթիլիասի Գործադիր  վարչութեան անդամ եւ ՀԵԸ-ի Ճատրակի դպրոցի պատասխանատու  Տիգրան Զէյթճեան արժանաւորապէս  վերընտրուեցաւ ֆետերասիոնի անդամ եւ փոխնախագահ:  Նախորդ շրջանին նման, Ճատրակի  ֆետերասիոնը պիտի  գլխաւորէ Խալէտ Պատիյը:

Կը  շնորհաւորենք  Լիբանանի  ճատրակի  նորընտիր կազմը, մասնաւորապէս Տիգրան Զէյթճանը, միաժամանակ  նորանոր  բարձունքներ կը  մաղթենք  լիբանանեան  ճատրակին:

LEAVE A REPLY

Please enter your comment!
Please enter your name here