Իրան Բողոքեց Իր Հողային Ամբողջականութեան Սպառնացող Էրտողանի Յայտարարութեան Դէմ

0
114
FILE PHOTO: An Iranian flag flutters in front of the International Atomic Energy Agency (IAEA) headquarters in Vienna, Austria September 9, 2019. REUTERS/Leonhard Foeger/File Photo

ԵՐԵՒԱՆ, «Նիուզ»․- Ըստ «Թասս»ի՝ Ուրբաթ օր Իրանի արտաքին գործոց նախարարութիւն կանչուեցաւ Իրանի մօտ Թուրքիոյ դեսպանը, Պաքուի մէջ Էրտողանի յայտարարութեան համար:

«Թուրքիոյ դեսպանին յայտնուեցաւ, որ տարածքային պահանջներու եւ ռազմատենչ կայսերական դարաշրջանը անցեալին կը պատկանի: Ընդգծուեցաւ, որ Իրան ոչ ոքի պիտի արտօնէ ոտնահարել իր տարածքային ամբողջականութիւնը», հաղորդեց նախարարութիւնը:

Նշենք, որ Էրտողան իր ելոյթին ընթացքին արտասանած էր Արաքս գետը յիշատակող բանաստեղծութիւն մը, ուր կը պնդուի, որ անիկա Ատրպէյճանը եւ Թուրքիան իրարմէ «ուժով բաժանած է»:

Արաքս գետը սահման է Ատրպէյճանի եւ Իրանի ու Էրտողանի խօսքերը Իրանի մէջ նկատուած է փանթուրանականութեան գաղափարներու հռչակում, որոնք կը սպառնան Իրանի տարածքային ամբողջականութեան:

LEAVE A REPLY

Please enter your comment!
Please enter your name here