Ռաֆֆի  Ճիկերեանի  Յիշատակին  Նուիրուած Ճատրակի    Մրցաշարք

0
499

ՀԵԸ-ական՝ Ռաֆֆի  Ճիկերեանի անունը սերտօրէն առնչուած է  Լիբանանի  եւ  Լիբանանահայ  ճատրակի առօրեային հետ:

Լիբանանի ճատրակի ֆետերասիոնին  հովանաւորութեամբ եւ  ՀԵԸ  Անդրանիկ  Անթիլիասի ճատրակի վարչութեան  կազմակերպութեամբ,  16,17,18  Դեկտեմբեր  2020-ին, եռօրեայ  առցանց  մրցաշարք մը տեղի  ունեցաւ, վերջերս   մեզմէ յաւէտ բաժնուած  Ռաֆֆի Ճիկերեանի յիշատակին:

Մրցաշարքին  մասնակցեցան  86  մարզիկներ: Առաջնութիւնը շահեցաւ՝  Մահմուտ Պատիյ,  Ճօ Ասատ՝ երկրորդ,էտիպ Արքատան՝ երրորդ  հանդիսացան:

Երկուշաբթի,  21 Դեկտեմբեր 2020-ի երեկոյեան, ՀԲԸՄ-ի Տեմիրճեան կեդրոնին մէջ տեղի ունեցաւ  մրցաշարքին  գլխաւոր   դիրքերը  գրաւողներուն պարգեւատրութիւնը:  Միջոցառումին ներկայ  գտնուեցաւ Լիբանանի  ճատրակի  ֆետերասիոնի վարչութիւնը՝ լրիւ կազմով, ՀԵԸ-ի Կեդրոնական Վարչութեան ատենապետը  եւ անդամներ, Ռաֆֆի  Ճիկերեանի  ընտանեկան պարագաներ, բարեկամներ, ՀԵԸ-ի  տարբեր վարչութիւններէն անդամներ:

Լիբանանի ճատրակի ֆետերասիոնի  փոխնախագահ, ՀԵԸ-ի ճատրակի   դպրոցի պատասխանատու եւ ՀԵԸ Անդրանիկ Անթիլիասի  Գործադիրի անդամ Տիգրան Զէյթճեան յարգանքի խօսք մը արտասանեց  Ռաֆֆի Ճիկերանի յիշատակին:  Տեսաերիզի վրայ ցուցադրուեցաւ ՀԵԸ-ի ճատրակի դպրոցին մէջ  Ռաֆֆի  Ճիկերեանի  կեանքի   հանգրուաններէն դրուագներ:  Սրտի խօսք ըսաւ Լիբանանի ճատրակի ֆետերասիոնի նախագահ Խալէտ Պատիյը,  որմէ ետք  տեղ ունեցաւ  մրցանակաբաշխութիւնը:

Երեկոյին եզրափակիչ խօսքը կատարեց  ՀԵԸ-ի Կեդրոնական վարչութեան ատենապետ Վիգէն  Չերչեանը, որմէ ետք տեղի ունեցաւ կոկիկ հիւրասիրութիւն մը:

 

LEAVE A REPLY

Please enter your comment!
Please enter your name here