Ապահովելով Առաւելագոյն Ձայները՝ Վիգէն Չերչեան Լիբանանի Պասքեթպոլի Ֆետերասիոնի Նոր Կազմին Գանձապահ

0
810

Երեքշաբթի,  22  Դեկտեմբեր  2020-ի երեկոյեան, ՀԲԸՄ-ի  Տեմիրճեան կեդրոնի,  ՀԵԸ-Ի «Անդրանիկ»  մարզադաշտին  մէջ ունեցաւ  Լիբանանի  պասքեթպոլի ֆետերասիոնի  ընդհանուր անդամական ժողովը եւ նոր  վարչութեան ընտրութիւնը:

ՀԵԸ  Անդրանիկի ընտանիքը սոյն միջոցառումին մասնակցեցաւ չորս ներկայացուցիչներով՝  ՀԵԸ  Անդրանիկ  Պէյրութ, Սին էլ Ֆիլ, Անթիլիաս, եւ Զահլէ:

Մասնակիցները   լսեցին  ընթացաւարտ  վարչութեան   գործունէութեան  նիւթաբարոյական տեղեկագիրը, որմէ ետք տեղի ունեցաւ  նոր վարչութեան  ընտրութիւնը:

Ընտրութիւնները  շահեցաւ  ընթացաւարտ  ֆետերասիոնի  նախագահ  Աքրամ Հալապիի  գլխաւորած  15  թեկնածուներէ  բաղկացած ցանկը, որուն մաս կը  կազմէր ՀԵԸ-ի Կեդրոնական Վարչութեան ատենապետ Վիգէն Չերչեանը:

Վիգէն Չերչեան  ընտրուեցաւ  ֆետերասիոնի անդամ, ապահովելով առաւելագոյն՝  252 ձայն եւ ստանձնեց նորընտիր ֆետերասիոնին  գանձապահութիւնը:

Համայն ՀԲԸՄ-ՀԵԸ-ականներու անունով  մեր ջերմ շնորհաւորութիւնները  ՀԵԸ-ի Կեդրոնական Վարչութեան  ատենապետ Վիգէն Չերչեանին այս փայլուն յաղթանակին առիթով:

 

LEAVE A REPLY

Please enter your comment!
Please enter your name here