Պաքու 50.000 Տոլարի Խոստումով Կը Փորձէ Ծածկել Պատերազմի Յանցագործութիւնները

0
564

ՎԱՐՇԱՒԻԱ․- Լեհ քաղաքական գործիչ Թոմաշ Լեխ Պուչեք յայտարարեց, որ Ատրպէյճան իրեն առաջարկած է 50.000 տոլար` Արցախի մէջ հայերուն դէմ Ատրպէյճանի զինուորական յանցագործութիւններուն մասին գիրք չհրապարակելու համար:

Այս աղմկայարոյց յայտարարութիւնը Պուչեք ըրաւ «Ֆէյսպուք»ի իր էջին վրայ: Ան նաեւ տեղադրած է նկար մը, որ կ՛ապացուցէ կաշառքի փորձը:

«Նախագահ Ալիեւ հաւանաբար լսած է իմ հրապարակումին մասին: Ես առաջարկ ստացայ չհրապարակել Ատրպէյճանի` Արցախի մէջ հայերուն դէմ կատարած զինուորական յանցագործութիւնները՝ 50.000 տոլարի դիմաց: Իմ պատասխանս Պաքուին` ԱԶԱՏ ԱՐՁԱԿԵԼ ՀԱՅ ԶԻՆՈՒՈՐՆԵՐԸ», գրած է լեհ գործիչը:

Նշենք, որ Պուչեք աւարտած է իր` Ալիեւը Լա Հէյի Քրէական միջազգային ատեանին մէջ դատելու համար սկսած ստորագրահաւաքը` հաւաքելով հարիւր հազարէն աւելի ստորագրութիւններ:

LEAVE A REPLY

Please enter your comment!
Please enter your name here