Հայոց Բանակի օր՝ Ներողութիւն Խնդրելու օր

0
68

Ահարոն Շխրտըմեան

ԵՌԱԲԼՈՒՐ…  ՆՍՏԱԾ  ԵՄ  ՆԱՀԱՏԱԿՆԵՐՈՒ  ՇԻՐԻՄՆԵՐՈՒՆ ԿՈՂՔԻՆ, ՆԵՐՈՂՈՒԹԻՒՆ ԿԸ ԽՆԴՐԵՄ… ՆԵՐՈՂՈՒԹԻՒՆ ՈՐԴԵԿՈՐՈՅՍ ՄԱՅՐԵՐՈՒՆ, ՈՐԲԱՑԱԾ ՄԱՆՈՒԿՆԵՐՈՒՆ,ԱՅՐԻԱՑԱԾ ԿԱՆԱՆՑ ԵՒ ԲՈԼՈՐԻՆ ԱՆՈՒՆՈՎ: ՆԵՐՈՂՈՒԹԻՒՆ՝ ՈՐՈՎՀԵՏԵՒ ՅԱՒԵՐԺ  ՊԱՐՏԱԿԱՆ ՊԻՏԻ ՄՆԱՆՔ  ՔԵԶԻ ՀԱՅ ԶԻՆՈՒՈՐ: ՕՐՀԱՍԱԿԱՆ  ՊԱՀՈՒՆ  ՀԵՐՈՍԻ ՄԱՀՈՎ ԻՆԿԱՐ ՅԱՆՈՒՆ  ՀԱՅՐԵՆԻՔԻ:

ՆԵՐՈՂՈՒԹԻՒՆ՝ ՈՐՈՎՀԵՏԵՒ  ՔԱՂԱՔԱԿԱՆ ՈՒԺԵՐԸ ՏԱԿԱՒԻՆ  ՉԵՆ ՀԱՍԿՆԱՐ ՀԱՅՐԵՆԻՔԻՆ ԻՄԱՍՏԸ:

ԵԹԷ ԻՍԿԱՊԷՍ ԿԸ ՍԻՐԵՆ ՀԱՅԱՍՏԱՆԸ, ԳԷԹ  ԱՅՍՕՐ ՔԱՋՈՒԹԻՒՆԸ ՈՒՆԵՆԱՆ ՀՐԱԺԵՇՏ ՏԱԼՈՒ, ՀԵՌԱՆԱԼՈՒ  ՔԱՂԱՔԱԿԱՆ ԲԵՄԷՆ, ՅԱՆՈՒՆ՝ ԱԶԳԻ ԵՒ ՀԱՅՐԵՆԻՔԻ  ՀԵՌԱՆԱՆ, ԱՌԻԹ ԸՆԾԱՅԵՆ ՈՐՊԷՍԶԻ ՉԱՐԱՏԱՒՈՐՈՒԱԾ  ՈՒԺԵՐ ՊԱՀՊԱՆԵՆ ԻՇԽԱՆՈՒԹԻՒՆԸ:

ԱԹՈՌԻ ԵՒ  ԻՇԽԱՆՈՒԹԵԱՆ  ՓԵՐԵԶԱԿՆԵՐ, ՀԱՅՐԵՆԻՔԸ ՀԱՐՈՒՍՏ Է ՏԱՂԱՆԴԱՒՈՐ, ՇՆՈՐՀԱԼԻ ԶԱՒԱԿՆԵՐՈՎ: ՎՍՏԱ’Հ ԵՂԷՔ, ԱՆՈՆՔ ՁԵԶՄԷ  ՆՈՒԱԶ  ՉԵՆ ՍԻՐԵՐ ՀԱՅՐԵՆԻՔԸ: ՎՍՏԱ’Հ  ԵՂԷՔ, ԱՆՈՆՔ ՊԱՏՐԱՍՏ ԵՆ  ՔԱԼԵԼՈՒ ԱԶԳԱՅԻՆ ԶԱՐԹՕՆՔԻ  ՃԱՆԱՊԱՐՀՈՎ: ԱՌԻԹ ՏՈՒԷՔ, ՀԵՌԱՑԷ’Ք:

ՅԱՅՆԺԱՄ  ՄԻԱՅՆ ՊԻՏԻ ԽԱՅՏԱՆ ԽԱՂԱՂՈՒԹԵԱՆ ՄԷՋ ՆՆՋՈՂ  ՀԱԶԱՐԱՒՈՐ  ՆԱՀԱՏԱԿՆԵՐՈՒՆ ՀՈԳԻՆԵՐԸ: ԻՐԱՒՈՒՆՔ  ՉՈՒՆԻՆՔ ՀՐԱԺԱՐԵԼՈՒ ԱՆՈՆՑ ԵՐԱԶԱՆՔՆԵՐԷՆ:

ԼՌՈՒԹԻՒՆ ԿԸ ՏԻՐԷ  ԵՌԱԲԼՈՒՐԻ ՄԷՋ… ՁԻՒՆԱՊԱՏ ԼՈՒՌ  ՔԱՂԱՔ: ՍՊԻՏԱԿ  ՁԻՒՆԻՆ ՏԱԿ ԿԸ ՆՆՋԵՆ ՅԱՒԵՐԺԻ  ՀԵՐՈՍՆԵՐԸ:

ՆԵՐՈՂՈՒԹԻՒՆ՝ ՅԱՐԳԴ ՉԳԻՏՑԱՆ  ՀԱ’Յ ԶԻՆՈՒՈՐ:

ՀԱՅՈՑ ԲԱՆԱԿԸ  ԵՒ ՀԱՅ ԶԻՆՈՒՈՐԸ ՀԱՅՈՑ ԱՇԽԱՐՀԻ ԵՒ ՀԱՄԱՅՆ  ՀԱՅՈՒԹԵԱՆ ԳՈՅՈՒԹԵԱՆ  ՅԵՆԱՍԻՒՆՆ Է:  ՅԱՒԵՐԺ  ՓԱՌՔ ՀԱՅՈՑ  ԲԱՆԱԿԻՆ:

 

LEAVE A REPLY

Please enter your comment!
Please enter your name here