ՆՍՕՏՏ Արամ Ա. Կաթողիկոս Ընդունեց Յունաստանի Դեսպանը

0
445

Ուրբաթ, 29 յունուար 2021-ի առաւօտուն, Լիբանանի մէջ Յունաստանի Հանրապետութեան նորանշանակ դեսպան Էքաթէրինի Ֆունթուլաքին այցելեց Ն.Ս.Օ.Տ.Տ. Արամ Ա. Վեհափառ Հայրապետին։ Այցելութեան նպատակն էր մօտէն ծանօթանալ Մեծի Տանն Կիլիկիոյ Կաթողիկոսութեան ու յատկապէս Լիբանանի հայ համայնքին։

Նորին Սրբութիւնը հարկ եղած բացատրութիւնները տուաւ դեսպանին՝ ներկայացնելով Լիբանանի հայ համայնքի կառոյցները ու անոր քաղաքական դերակատարութիւնը։ Այս առիթով Հայրապետը նաեւ անդրադարձաւ Սփիւռքի հայութեան դիմագրաւած մարտահրաւէրներուն։

Հանդիպման ընթացքին արծարծուեցան Արցախի պատերազմին, շրջանէն ներս Թուրքիոյ դերակատարութեան, հայ եւ յոյն ժողովուրդներուն դարաւոր բարեկամութեան, ինչպէս նաեւ Յունաստանի հայութեան առնչուած հարցեր։

LEAVE A REPLY

Please enter your comment!
Please enter your name here