Աջակցութիւն Պիտի Տրամադրուի Շուռնուխի Եւ Որոտանի Բնակիչներուն

0
466

ԵՐԵՒԱՆ, «Արմէնփրէս».- Կառավարութիւնը հաստատեց Սիւնիքի մարզի Շուռնուխ եւ Որոտան բնակավայրերուն մէջ գտնուող եւ Ատրպէյճանի վերահսկողութեան տակ անցած բնակելի կառոյցներու տէրերուն ու անոնց ընտանիքներուն օգնութեան տրամադրումը: Ըստ վաւերացուած նախագիծին՝ այս նախաձեռնութեան նպատակն է՝ ընկերային աջակցութիւն տրամադրել նշեալ քաղաքացիներուն (որոնց կարգին մանուկներուն), որոնք մինչեւ 27 սեպտեմբեր 2020, առնուազն վերջին 3 ամիսներուն, համայնքի ղեկավարին կողմէ տրուած տեղեկանքին համաձայն, փաստացիօրէն բնակած են հոն:

Ընկերային աջակցութիւնը կը տրամադրուի միանուագ դրամական օգնութեան ձեւով` իւրաքանչիւր շահառուի համար 300,000 դրամ: Շահառու հանդիսացող անչափահաս մանուկներուն դրամական օգնութիւնը կը տրամադրուի ծնողքին կամ խնամատարին։

LEAVE A REPLY

Please enter your comment!
Please enter your name here