Աւետարանոց Եւ Ակնաղբիւր Գիւղերու Բնակիչներուն Համար Բնակարաններ Պիտի Կառուցուին

0
219

ԵՐԵՒԱՆ, «Արմէնփրէս».- Արցախի նախագահ Արայիկ Յարութիւնեան ընդունեց Ասկերանի շրջանի Աւետարանոց եւ Ակնաղբիւր գիւղերու խումբ մը բնակիչներ։ Այս մասին տեղեկացուց Արցախի նախագահի աշխատակազմի տեղեկատուութեան վարչութիւնը:

Քննարկուեցան տեղահանուած ընտանիքներու հարցերը եւ անոնց համատեղ բնակութեան վայրի ընտրութեան հարցը՝ նշելով, որ այս բնակիչներուն համար տուներ պիտի կառուցուին Ասկերանի մէջ։

Յարութիւնեան ընդգծեց նախընտրութիւնը, որ այդ գիւղերու բնակիչները վերաբնակեցուին համախումբ սկզբունքով: Երկու համայնքներու բնակիչներուն հետ քննարկումներուն ընթացքին մատնանշուեցան Ասկերանի շրջանի շարք մը վայրեր, որոնց վերջնական ընտրութիւնը պէտք է կատարեն բնակիչները` պետական լիազօր մարմիններու ներկայացուցիչներուն հետ: Այնուհետեւ կարճ ժամանակի մը ընթացքին պիտի պատրաստուին նոր բնակավայրերու նախագիծերը եւ պիտի տրուի շինարարական աշխատանքներու մեկնարկը:

LEAVE A REPLY

Please enter your comment!
Please enter your name here